Wanna Koiola koggokonna kohtun Wissen, sel 1sel nowembril 1877.

Man olliwa kohtowan(n)emb, Michel Kurwitz

                      kohtomees, Jaan Plak

                      kohtomees, Karel Tobrelutz

Jaan Hermitz kaibap, et Jaan Juhkam tem(m)a niit ärra põimnu, kinni wõtmisse kombel pakko paggenu; nõwwap  20 rbl. ja kawwa päiwa wiitmisse eest 6 rbl. sis om rahho. -

Jaan Juhkam wastutas:"Kui tem(m)a minno olles kinni wõtnu, sis massa minna; ent minna tõije kül to kõrd haino. Kooskora rentnik nidust; tem(m)a lubba läbbi ja kohto polest promi päle woetu haina, tõije minna Tartu maalt."-

Ado Hurt and tunnistust:"Min(n)a saije kohhe manno ja perrast tulli Jaan Juhkam ka sinna ja läts pakko, kui minno näggi ja nakkas willu laskma kui ööwaht kärroga wille häle perra ja üttegi haina maa lappi, kui ka õigust täl põima kostki es olle lubbatu." -

Kohtomees Jaan Plak and tun(n)istust; kes sedda kurja tööd om ülle kaenu:"Et ni suggutsit haino om tem(m)a Jaan Juhkam lehma tahrast, korwist sanu; mes justament Jaan Hermitz nido pääl om(m)a kassunu ja arwap, et tem(m)a se kurja teggija om olnu; arwap se kahjo surus arwata 5 rbl. parrajal haina kassumisse ajal." -

Moistetu: Kohtomehhe Jaan Plak wälja üttelus perra, kes kurri töö ülle kaenu ja Jaan Juhkamit süüdlasses arwap promi haino perra

Otsus: Massap Jaan Juhkam 5 rbl. Jaan Hermitz hääs nido kahjos ja ka kuwwe päiwa taggasi jämisse eest, kui Jaan Hermitz olli tulnu ja tem(m)a tullemata ka Jaan Hermitz hääs 3 rbl.tem(m)a kalli aja wiitmisse eest 14 päiwa sissen wälja ja ka 1 rbl. 80 kop. wöörmöndrele ajamisse palgas, nida kui nõu kohhus om lepnu ja kinnitanu ülle neide, kes sõnna ei kula

Kohtokäüjile otsus ette loetu, suremba kohtokäümisse sädua  § 772, 773 n. 774 perra kulutedu

                      Kohtowan(n)emb, Michel Kurwitz  XXX

                       Kohtomees, Jaan Plak  XXX

                       Kohtomees, Karel Tobrelutz  XXX

                                   Kirjotaja, J. Käis