Ette tulli Peter Kerge ja kaibas et Karl Sok ollewwat temmale omma palka wõlgu om 7 Rbl. ja poig Karl palka 3 Rbl. ja tütre Katri palka 1 mõõt rükki 2 mõõt keswi ja 1 mõõt hernid ja pallep kohhut sedda temmale wälja moista.

Karl Sok ütles et 6 rubla om enne Peter Kerge palka masmata ent sellest om saanu küttissehe 1 1/2 mõõtu keswi mahha tetta, se om 3 Rbl,m 4 puuta hainu se om 2 Rbl. nink üts küüds ärra kaotanu se om 1 Rbla.

Poig Karl palka olli kül 3 Rbla ent temma södis minnol 6 mõõtu alla kara ärra sis om se tassa.

Tütrele olli kül lubbatu 2 mõõtu rükki ja 2 mõõtu keswi nink hernid es olle leppitu ent om ka ärra sanu 1 mõõt rukki ja 1 mõõt keswi.

Moistet:

Karl Sok peap Peter Kergele masma:

Peter Kerge omma palk     4 Rbla 50 kop. ja

poug Karl palka                  3 Rbla               nink

tütre Katri palka 1 mõõt rükki ja 1 mõõt keswi 

nink kuni 24 Juni 1881 wälja massa.

Se moistmine om §773 ja 774 perra kulutedu ja oppusleht wälja antu.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [allkiri]

Kirjotaja Jõggewa