Wanna Koiola koggokon(n)a kohtun Wissen, sel 21sel nowembril 1877.

Man olliwa kohtowan(n)emb, Michel Kurwitz

                   kohtomees, Karel Tobrelutz

             abbi kohtomees, Jaan Maasik

Köstre Otto Mattisson kaibap, et Johann Meier tem(m)a mõtsmaa rentnik olla õlgi müünu; mes tälle lubbatu ei olle; nõwwap et Jürri päiwal tullewa aasta peap tem(m)a platsi päält ärra minnema; kui se õige saap ollema, kelle man Jaan Richm wõiwat tun(n)istust anda; nink hone ei olla ka ni tettu ja põld nida säetu, kui lepping neide katte waiel olla.

Johann Meier wastutas:"Minna ei olle henda teda 1 kubbo münu, ja kats koormat tõije kül Rihma Märdi käest sisse ja 5 koormat haino."  hone olles tennü, kui krami olles olnu.

Köstre Otto Mattisson wastutas: Sisse ostminne olli minno poolt keelmata, kui rentnik hendale sedda hääs arwas; ent minna nõwwa om(m)a leppingut; nink nõu om allati man olnu; ent Johann Meier olli kige suwwe aja muial töön ja lask min(n)o kallis matterial alla mäddaneta; nink süggise ajal ei olle maranegi hone ehhi-

taminne; sis woise ka krami pudus olla; ei puttu mulle, kui mul om tälle kiik täwwesti kätte antu." -

Jaan Richm and tunnistust: Minna weije tem(m)a õlgi 80 kuppo tem(m)a kätte andmisse perra Puurile ja rahha masti minno kätte tem(m)a om(m)a tahtmisse perra 8 rbl. mes tälle kätte masti; ent waiwa palka es massa ta mulle kopkatki." -

Moistetu: Et Johann Meier omma leppingut köstre Otto Mattisson waiel om ärra riknu ja õlgi müünu; nink maad ei olle ka nida joonde säädnu ja hoonit aja päle ülles ehhitanu.

Otsus: Massap Johann Meier õlgi kahjus Otto Mattisen hääs 8 rbl. ja om tullewa Jürri päiwal sest käen ollewat platsist prii. 

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                         Kohtowan(n)emb, Michel Kurwitz  XXX

                         Kohtomees, Karel Tobrelutz  XXX

                 abbi Kohtomees, Jaan Maasik  XXX

                              Kirjotaja, J. Käis