Tõnnis Sowa kaibas: "Minna leppisi Karl Rautsepa päle wastset aastat 2 näddalat henda manno sullases, ent nüüd kewwade Annemõisa kõrtsist Waltina kõrtsi minnen ütles Karl Rautsep minnole, et sedda palka weidi om, mes meije leppinu olli. Waltina kõrtsin olli meil sellest palkast jälle kõnne, sis ütles Johann Zimmer: "Kui teije tahhate sis wõite ümbre leppida, sest kes ennamb palka massab, sellel om sullane." Minna olle selle wije päle nüüd sellest sullasest ilma."
Karl Rautsep kostis selle kaibusse päle: "Minna olle kül Tõnnis Sowa käest käerahha wasta wõtnu, ent minna pandse se käerahha temmale põlwe päle, enge Tõnnis Sowa es wõtta sedda rahha wasta, sis pistse minna temmale se rahha pihta. Et Johann Zimmer ollewat üttelnu, et, kes ennamb palka massab, sellele saab sullane, sedda minna ei olle mitte kuuldnu."
Tunnistaja Karl Treumuth andse tunnistust: "Karl Rautsep ütles Waltina kõrtsin Tõnnis Sowale: "Minna sinno manno sullases ei lahha." Selle päle ütles Tõnnis Sowa: "Sinna ollet minno manno sullases leppinu, sis peat sinna ka minno manno wastapandmata sullases tullema."
Tunnistaja Andrus Treumuth andse tunnistust: "Minna kuuldse kui Karl Rautsep ütles Tõnnis Sowale: "Kui sinna minnole palka päle ei panne, sis minna ka sinno manno sullases ei lähha."
Tunnistaja kohtomees Peter Treumuth andse tunnistust: "Minna olle selle man tunnistaja, et Karl Rautsep Tõnnis Sowa käest käerahha wasta om wõtnu."
Tunnistaja Johann Joab tunnistas nidasammute kui Andrus Treumuth om tunnistanu.
Tunnistaja Karl Jonas tunnistas nidasammute kui Andrus Treumuth om tunnistanu.
Otsus.
Et Karl Rautsep om Tõnnis Sowa käest 1 Rbl. 25 Kop. käerahha wasta wõtnu, ja mitte Tõnnis Sowa manno sullases ei olle lännu, om se koggokonna kohhus mõistnu: Karl Rautsep peab 2 käerahha, se om 2 Rbl. 50 Kop., Tõnnis Sowale ärra masma, nink et Karl Rautsep katte perremehhe manno om leppinu, saab temma 15 witsahobiga trahwitus.
Neile kohtonkäujatele omma ne L. T. S. §§772, 773 aastast 1860 ette loetu, mes tähhele tulleb panda kui surembat kohhut tahhawa käwwa.
Tõnnis Sowa ei olle selle kohtomõistmissega rahhule, enge tahhab surembat kohhut käwwa; temmale om ka se sädusse perra Appellation-täht sel 27. mail c. wälja antu.
Päkohtomees Märt Lüüs XXX
Kohtomees Juk Hansi XXX
" Rein Mändik XXX
" Peter Treumuth XXX
Tõnnis Sowa kaibas: "Minna leppisi Karl Rautsepa päle wastset aastat 2 näddalat henda manno sullases, ent nüüd kewwade Annemõisa kõrtsist Waltina kõrtsi minnen ütles Karl Rautsep minnole, et sedda palka weidi om, mes meije leppinu olli. Waltina kõrtsin olli meil sellest palkast jälle kõnne, sis ütles Johann Zimmer: "Kui teije tahhate sis wõite ümbre leppida, sest kes ennamb palka massab, sellel om sullane." Minna olle selle wije päle nüüd sellest sullasest ilma."
Karl Rautsep kostis selle kaibusse päle: "Minna olle kül Tõnnis Sowa käest käerahha wasta wõtnu, ent minna pandse se käerahha temmale põlwe päle, enge Tõnnis Sowa es wõtta sedda rahha wasta, sis pistse minna temmale se rahha pihta. Et Johann Zimmer ollewat üttelnu, et, kes ennamb palka massab, sellele saab sullane, sedda minna ei olle mitte kuuldnu."
Tunnistaja Karl Treumuth andse tunnistust: "Karl Rautsep ütles Waltina kõrtsin Tõnnis Sowale: "Minna sinno manno sullases ei lahha." Selle päle ütles Tõnnis Sowa: "Sinna ollet minno manno sullases leppinu, sis peat sinna ka minno manno wastapandmata sullases tullema."
Tunnistaja Andrus Treumuth andse tunnistust: "Minna kuuldse kui Karl Rautsep ütles Tõnnis Sowale: "Kui sinna minnole palka päle ei panne, sis minna ka sinno manno sullases ei lähha."
Tunnistaja kohtomees Peter Treumuth andse tunnistust: "Minna olle selle man tunnistaja, et Karl Rautsep Tõnnis Sowa käest käerahha wasta om wõtnu."
Tunnistaja Johann Joab tunnistas nidasammute kui Andrus Treumuth om tunnistanu.
Tunnistaja Karl Jonas tunnistas nidasammute kui Andrus Treumuth om tunnistanu.
Otsus.
Et Karl Rautsep om Tõnnis Sowa käest 1 Rbl. 25 Kop. käerahha wasta wõtnu, ja mitte Tõnnis Sowa manno sullases ei olle lännu, om se koggokonna kohhus mõistnu: Karl Rautsep peab 2 käerahha, se om 2 Rbl. 50 Kop., Tõnnis Sowale ärra masma, nink et Karl Rautsep katte perremehhe manno om leppinu, saab temma 15 witsahobiga trahwitus.
Neile kohtonkäujatele omma ne L. T. S. §§772, 773 aastast 1860 ette loetu, mes tähhele tulleb panda kui surembat kohhut tahhawa käwwa.
Tõnnis Sowa ei olle selle kohtomõistmissega rahhule, enge tahhab surembat kohhut käwwa; temmale om ka se sädusse perra Appellation-täht sel 27. mail c. wälja antu.
Päkohtomees Märt Lüüs XXX
Kohtomees Juk Hansi XXX
" Rein Mändik XXX
" Peter Treumuth XXX
