Wöörmünder Johann Koemõtz kaibas: "Peter Kuiw tulli minno maja maggasi-aida wõtmid otsma, sis nakkas temma minno trotsma neide sõnnuga: "Sinna ollet koddon omma naise perset wahtman, selleperrast ei tulle sinna maggasi aita kui sinnu waja om;" nink söögilawwa man ütles Peter Kuiw: "Mes sinnol wigga maja ehhitada om, sest minnewa aasta saite sinna nekrute käest 50 Rbl. nink sel aastal jälle 50 Rbl. "

Tunnistaja Johann Pella, Zoorust, (Lutteri usko) andse tunnistust: "Kui Peter Kuiw Kaika tallo tulli, ütles temma Johann Koemõtzale: "Sinna ollet õige naise perse." Perrast ütles Peter Kuiw: "Mes sinnol wigga maja ehhitada om, sinna saite minnewa aasta nekrute käest 50 Rbl. nink sel aastal jälle 50 Rbl."

Leno Pettai (Kreeka usko) andse tunnistust: "Minno kuuldse kui Peter Kuiw Johann Koemõtza trotsis, nink perrast tarren ütles Peter Kuiw Johann Koemõtzale: "Mes sinnol wigga maja ehhitada om, sest sinna saite nekrute käest minnewa aasta 50 Rbl. ja sel aastal jälle 50 Rbl. "

Peter Kuiw kostis selle Johann Koemõtza kaibusse päle: "Minna olle kül mõnda Johann Koemõtzale üttelnu, ent minna es ütle sedda mitte wihhaga, enge nalja perrast."

Otsus.

Et Peter Kuiw Johann Koemõtza om trotsnu, ja sedda mitte temma selges tetta ei wõi, om se kohhus mõistnu, et Peter Kuiw saab 30 witsa hobiga trahwitus. 

Päkohtomees Märt Lüüs XXX

Kohtomees Karl Wärnik XXX

  "  Juk Hansi XXX

  "  Rein Mändik XXX

  "  Peter Treumuth XXX