Wanna Koiola koggokonna kohtun Wissen, sel 5tal dezembril 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Peter Haidak kaibap, et tem(m)a ei olle om(m)a welle Johani käest lahkumisse aigo 3 leisikat linna rahhast jakko sanu, nõwwap 110 rbl. sis om rahho. -

Johann Haidak tem(m)a welli wastutas:"Minna ei tija tälle kopkat wõlgu ollew ja minna ni waene es olle, et tälle es olles jõudnu massa. Kohhe üts 15 aastat aiga taggasi om, kui lahkusime; se om üts selge kiusto assi, selle perrast, et minna om(m)ast üttissest majast tem(m)a käest jaggo saije; sis tahhap minno nüüd tõise kawwala kombega kiusata." -

Moistetu: Et tokõrd ka kohtu olliwa, kes wõisewa selletada ja ollagi selletedu wallawallitsus S. Härms üttelus perra sis om awwalikkult nätta, et Peter tahhap om(m)a wannembat welja kiusata.

Otsus: Selle kiusamisse eest istup Peter Haidak 48 tundi selle kogg. kohto türmin 14 päiwa sissen kinni. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                            Kohtowan(n)emb, Michel Kurwitz  XXX

                             Kohtomees, Jaan Plak  XXX

                             Kohtomees, Michel Plakso  XXX 

                                       Kirjotaja, J. Käis

Peter Haidak protokoll wälja sanu, sel 10 dezembril