Johann Pola andse selle Protokolli No 7 sest 18. Januarist 1874 Peter Mikkali kaibusse päle tunnistajid ülles, ne omma Jaan Lust, Karl Treumuth, Zille Anzow ja Peter Nahha.
Tunnistaja Jaan Lust (kreeka usko) andse tunnistust: "Ütskõrd olli minna, Peter Nahha, Zille Anzow, Johann Pola ja Samul Tedder Tohwre weske silla pääl, sääl küsse Samul Tedder Peter Nahha käest rahha, selle päle kostis Peter Nahha: "Minnol om kül rahha, ent minna ei anna sinnole mitte rahha." Sis küssis Peter Nahha Peter Mikkali käest: "Kost sinna selle rahha saite mis sinna Samul Teddrele ollet lainanu?" sellepäle ütles Peter Mikkal: "26 Rubla selget rahha olle minna Samul Teddrele lainanu, ja perrast se linnarahha 41 Rbl. mes Johann Pola käen olli, sedda lubbasi minna Johann Polal Samul Teddre kätte anda."
Tunnistaja Karl Treumuth (kreeka usko) andse tunnistust: "Johann Pola ja Peter Mikkal kõnneliwa Waltina kõrtsi treppi pääl; sääl ütles Johann Pola Peter Mikkalile: "Mes sinna minno käest sedda rahha küssite, mes sinna minnol Samul Teddrele lubbasi anda?" Sis üttel Peter Mikkal: "Minna Samul Teddre käest ommeti ei sa sedda rahha kätte."
Tunnistaja Zille Anzow (Lutteri usko) andse tunnistust: "Peter Nahha küssis Samul Teddre käest: "Kas sinna minno käest rahha tahhat, ent minna sinnole rahha ei anna." Sis küssis Peter Nahha Peter Mikkali käest: "Paljo sinnol Samul Teddre käest rahha saada om? " sellepäle ütles Peter Mikkal: "Samul Teddrel om minnole 67 Rubla massa."
Tunnistaja Peter Nahha (Kreeka usko) andse tunnistust: "Minna küsse Samul Teddre käest kas temma minno käest rahha tahhab saada, ent ütli temmale ka, et minna temmale rahha ei anna. Sis küsse minna Peter Mikkali käest, paljos temmal Samul Teddre käest rahha saada om; sellepäle kostis Peter Mikkal: "Samul Teddrel om minnole 67 Rbl. massa."
Samul Tedder andse siin kohto een nidate tunnistust: "Se om õige, et minna Peter Mikkali lubbaga Johann Pola käest 41 Rubla olle saanu, se 26 Rubla minno wolga manno arwata, om üttekokko 67 Rbl., mes minna Peter Mikkalile wõlgo olle."
Otsus.
Neide tunnistajade wäljaütlemisse perra om Peter Mikkal sedda 41 Rbl. Johann Polal lubbanu Samul Teddrele anda, sis om se koggokonna kohhus mõistnu, et Peter Mikkalil Johann Pola käest üttegi wõllanõudmist ei olle, nida kui enne Protokoll No 7 18mast Januar c. om kirjutedu, enge Samul Tedder peab Peter Mikkalile se 67 Rubla ärrä masma.
Neile kohtonkäujatele omma ne L. T. S. §§ 772 & 773 aastast 1860 ette loetu, mes tähhele tulleb panda kui surembat kohhut tahhawa käwwa.
Peter Mikkal ei olle selle kohtomõistmissega rahhule enge tahhab surembat kohhut käwwa, nink temmale om ka se sädusse perra Appellation-täht sel 30. Mail c. wälja antu.
Päkohtomees Märt Lüüs XXX
Kohtomees Karl Wärnik XXX
" Juk Hansi XXX
" Rein Mändik XXX
" Peter Treumuth XXX
Johann Pola andse selle Protokolli No 7 sest 18. Januarist 1874 Peter Mikkali kaibusse päle tunnistajid ülles, ne omma Jaan Lust, Karl Treumuth, Zille Anzow ja Peter Nahha.
Tunnistaja Jaan Lust (kreeka usko) andse tunnistust: "Ütskõrd olli minna, Peter Nahha, Zille Anzow, Johann Pola ja Samul Tedder Tohwre weske silla pääl, sääl küsse Samul Tedder Peter Nahha käest rahha, selle päle kostis Peter Nahha: "Minnol om kül rahha, ent minna ei anna sinnole mitte rahha." Sis küssis Peter Nahha Peter Mikkali käest: "Kost sinna selle rahha saite mis sinna Samul Teddrele ollet lainanu?" sellepäle ütles Peter Mikkal: "26 Rubla selget rahha olle minna Samul Teddrele lainanu, ja perrast se linnarahha 41 Rbl. mes Johann Pola käen olli, sedda lubbasi minna Johann Polal Samul Teddre kätte anda."
Tunnistaja Karl Treumuth (kreeka usko) andse tunnistust: "Johann Pola ja Peter Mikkal kõnneliwa Waltina kõrtsi treppi pääl; sääl ütles Johann Pola Peter Mikkalile: "Mes sinna minno käest sedda rahha küssite, mes sinna minnol Samul Teddrele lubbasi anda?" Sis üttel Peter Mikkal: "Minna Samul Teddre käest ommeti ei sa sedda rahha kätte."
Tunnistaja Zille Anzow (Lutteri usko) andse tunnistust: "Peter Nahha küssis Samul Teddre käest: "Kas sinna minno käest rahha tahhat, ent minna sinnole rahha ei anna." Sis küssis Peter Nahha Peter Mikkali käest: "Paljo sinnol Samul Teddre käest rahha saada om? " sellepäle ütles Peter Mikkal: "Samul Teddrel om minnole 67 Rubla massa."
Tunnistaja Peter Nahha (Kreeka usko) andse tunnistust: "Minna küsse Samul Teddre käest kas temma minno käest rahha tahhab saada, ent ütli temmale ka, et minna temmale rahha ei anna. Sis küsse minna Peter Mikkali käest, paljos temmal Samul Teddre käest rahha saada om; sellepäle kostis Peter Mikkal: "Samul Teddrel om minnole 67 Rbl. massa."
Samul Tedder andse siin kohto een nidate tunnistust: "Se om õige, et minna Peter Mikkali lubbaga Johann Pola käest 41 Rubla olle saanu, se 26 Rubla minno wolga manno arwata, om üttekokko 67 Rbl., mes minna Peter Mikkalile wõlgo olle."
Otsus.
Neide tunnistajade wäljaütlemisse perra om Peter Mikkal sedda 41 Rbl. Johann Polal lubbanu Samul Teddrele anda, sis om se koggokonna kohhus mõistnu, et Peter Mikkalil Johann Pola käest üttegi wõllanõudmist ei olle, nida kui enne Protokoll No 7 18mast Januar c. om kirjutedu, enge Samul Tedder peab Peter Mikkalile se 67 Rubla ärrä masma.
Neile kohtonkäujatele omma ne L. T. S. §§ 772 & 773 aastast 1860 ette loetu, mes tähhele tulleb panda kui surembat kohhut tahhawa käwwa.
Peter Mikkal ei olle selle kohtomõistmissega rahhule enge tahhab surembat kohhut käwwa, nink temmale om ka se sädusse perra Appellation-täht sel 30. Mail c. wälja antu.
Päkohtomees Märt Lüüs XXX
Kohtomees Karl Wärnik XXX
" Juk Hansi XXX
" Rein Mändik XXX
" Peter Treumuth XXX
