Wanna Koiola koggokona kohtun Wissen, sel 5tal dezembril 1877.

Man olliwa kohtowan(n)emb, Michel Kurwitz 

                    kohtomees, Jaan Plak

                    kohtomees, Michel Plakso

Jaan Juks ja Peter Sell kaibawa, et Ahja wallast Gotta Wossman ja Peter Zubba neide rügga ja niit ärra söötnu; nõudwa kokko 30 rbl. sis om(m)a rahho. -

Ahja wallast Gotta Wossmann wastutas:"Minna ei tija sest söötmissest middagi üttelda, sest et karjusse mul karjan olliwa ja keaki ei olle ülle kaenu."

Ahaj wallast Peter Zubba wastutas:"Sinna omma kiik karja päle puttunuwa Eoste kui ka Him(m)aste küllast ja meie ei olle ütsinda sinna puttunu." -

Kohtomees Jaan Plak kes ülle kaenu arwap kahjo surus 10 rbl.

Moistetu: Et se awwalik, et neide karja sinna omma puttunuwa, kost ka 1 elläi om kinni sanu woetus ja sallata ka sugguge ei sa.

Otsus: Massap kumbgi 5 rbl. kokko 10 rbl. 14 päiwa sissen selle kogg. kohto kätte; kost Peter Selle saap pool  ja Jaan Juks jälle pool sest rahhast kätte sama. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                      Kohtowan(n)emb, Michel Kurwitz  XXX

                      Kohtomees, Jaan Plak  XXX

                      Kohtomees, Michel Plakso  XXX

                                 Kirjotaja, J. Käis

Peter Zubba protokoll wälja sanu sel 10 dezembril s.a.