Koggokonnawannemba, ja Moisa walitsusse kässu päle saiwa täämmbätsel päiwal kiik walla perremehhe ja nõu andja koggokonna kirjotaja wallitsemisse perrast kokko tallitedus. Nemma kõnneliwa kiik mes neil olli kõnnelda illusaste tassakeste ärra, ent Tanni Anderson tulli kohtu peegli ja koggokonna eenolleja, kui ka Moisa wallitsusse ette sure lärmi nink wasta kõnnelemissega, selle perrast, et temmale wenne köstre Gawril Lindenberg koggokonna kirjotajas wallitsemisse päle ütteldus saije, mitte köstre kihhelkonnakohto härra polest kinnitedus es sa, nink ei sa ka päle se; wallitse ütte tõist. Ent temma es holi sest middagi. -

Selle rummala prassimisse päle mõtliwa koon olleja koggokonna liikme, nink mõisawallitsus sedda mitte harrinut luggu, ni kui sellega om sündinu Protokolli ramatude sisse kirjotada, ja ütte kirja kihhelkonna kohtuhärrale selle palwega lähhatada, seda Tanni Anderssohni omma rummala prassimisse nink suurustellemise ja henda sures mehhes arwamisse eest keiserliko kihhelkonna kohtu arwamisse perra trahwida.