Wanna Koiola koggokonna kohtun Wissen, sel 9tal januaril 1878

Man olliwa kohtowan(n)emb, Michel Kurwitz

                    kohtomees, Michel Plakso

               abbi kohtomees, Jaan Maasik

Peter Pik kaibap, et Johann Haidak tem(m)a mõtsa jao päält 130 kuppo hakko kokko pandnu, ilma tem(m)a lubbata ja ei olle nida põllus lasknu pruki külla lep-

pingo perra nõwwap egga koo eest 10 kop. sis om rahho.

Johann Haidak wastutas:"Minna ei olle tem(m)a hakko kohhegi pandnu; enge teije ennegi ni paljo, et minna tem(m)a kokko panni nelja innemissega; masko mulle 4 rbl. neide töö eest: sis olle minna rahho."

Peter Pik wastutas:"Minna tedda es palka ja es palle ka minno hakko kokko panda, nink minno warrandust puttu." -

Moistetu: Et kats aastat haggo sääl saisnu ja tood kottust ei sa ilma pääl põllus pruuki; nink ilma käskmata om ka Johan(n) Haidak hau kokko pandnu.

Otsus: Ei sa kumbgi middagi rahha massa; enge Peter Pik woip om(m)a mahha raot haggo ärra widdada

Kohtokäüjile otsus ette loetu, suremba kohto käümisse sädus § 772, 773 n. 774 pera kulutedu

                         Kohtowan(n)emb, Michel Kurwitz  XXX

                         Kohtomees, Michel Plakso  XXX

                  abbi kohtomees, Jaan Maasik  XXX

                                 Kirjotaja, J. Käis