Wanna Koiola koggokon(n)a kohtun Wissen, sel 9tal januaril 1878

Man olliwa kohtowan(n)emb, Michel Kurwitz

                    kohtomees, Michel Plakso

                abbi kohtomees, Jaan Maasik

/:Saije ette woetus, mes sel 19nel dezembril m.a. N 224, polele jäije:/ -

Michel Norring and tun(n)istust:"Kige eddimalt läts Josep Sell lehhem ja perrast Jaan Saarjärwe ja Josep Hurt rentnikki Jaan Sullalätte karri, ülle kige 11 ellajat, Hindrek Hindrekson röast ülle ja karjusse lätsiwa essi Wanna külla karja man(n)o." 

Moistetu: Et se pole tun(n)istusse läbbi awwalik, et 11 ellajat ülle Hindrek Hindrekson röa lännu ja kohtomehhe Jaan Plak ülle kaemisse perra, et rügga olla södu ja sõkkutu. -

Otsus: Maswa eggüts om(m)a elläja päält 50 kop. kokko 5 rbl. 50 kop. 14 päiwa sissen Hindrek Hindrekson hääs põllu kahjus walja

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu

                            Kohtowan(n)emb, Michel Kurwitz  XXX

                            Kohtomees, Michel Plakso  XXX

                   abbi kohtomees, Jaan Maasik  XXX

                                    Kirjotaja, J. Käis

Hind. Hindrekson protokoll wälja sanu, sel 14 januaril s.a.