Wanna Koiola koggokonna kohtun Wissen, sel 16nel januaril 1878

Man olliwa kohtowan(n)emb, Michel Kurwitz

                    kohtomees, Jaan Plak

                     kohtomees, Karel Tobrelutz

Jaan Hermitz kaibap, et Jakob Puik tem(m)a koera püssiga mahha lasknu ja nõwwap 50 rbl. sis om rahho.

Jakob Puik wastutas:"Ütte roitjat koera om eggal üttel lubba mahha laske, sest tem(m)a teggi mulle ennämb kurja sadda kõrd, kui ta wäärt olli." -

Jaan Hermitz wastutas:"Minno koer olli karjan ja mitte roitmisse pääl." -

Moistetu: Et Jaan Hermitz koer päiwa karja mant Jakob Puik pole olla lännu ja tem(m)a warsti ka mahha lasknu; selleperrast et tälle kahjo olla tennu. -

Otsus: Massap Jakob Puik 5 rbl. koera kahjus Jaan Hermitzele ja 3 rbl.selle walla waeste ladike hääs trahwi, et püssiga om koera mahha lasknu.

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                            Kohtowan(n)emb, Michel Kurwitz  XXX

                            Kohtomees, Jaan Plak  XXX

                            Kohtomees, Karel Tobrelutz  XXX

                                     Kirjotaja, J. Käis

Jaan Hermitz protokoll wälja sanu, sel 20 januaril s.a.