Wanna Koiola koggokonna kohtun Wissen, sel 16nel januaril 1878

Man olliwa kohtovan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Jaan Andreimann kaibap, et unterofficier Jaan Rammu tem(m)a hobbese lentsi ja rahke Walgeso kõrtsi mann Talwiste keskmätse pühha õddango Walgesoo kolimajast tullen ärra lõiganu ja nõwwap 4 1/2 rbl. riisto kahjus ja muido weel kohto trahwi.

Jaan Rammu wastutas:"Minna ei tija sest kui om(m)ast surembat middagi." -

Tina Käggo Ahja wallast and tun(n)istust:"Minna näije sedda selgede, et Jaan Ram(m)u ütte hobbese lentsi ja rahke katski lõigas, mes tem(m)a sugguge sallata ei sa." -

Moistetu: Et tun(n)istusse läbbi awwalik et Jaan Ram(m)u hobbese riista melega kats lõiganu

Otsus: Massap Jaan Ram(m)u 4 1/2 rbl. Jaan Andreimann hääs riisto kahjus ja 2 rbl. selle walla waeste ladike hääs trahwis 14 päiwa sissen wälja. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                        Kohtowan(n)emb, Michel Kurwitz  XXX

                        Kohtomees, Jaan Plak   XXX

                        Kohtomees, Karel Tobrelutz  XXX

                                     Kirjotaja, J. Käis

Jaan Ram(m)u protokoll wälja sanu, sel 19 januaril s.a.