Wanna Koiola koggokonna kohtun Wissen, sel 16nel januaril 1878.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Jaan Andreimann kaibap, et tem(m)a om(m)a welle Johanni käest lainanu 80 rbl. rahha wõlgu ja andnu selle rahha prozentis 15ne numbri al rügga olle li(n)nas tetta; ent Johann olla nüüd koggoni 13 Nr rügga olle linna hendale wasta leppingut wõtnu ja neist linnost 4 leisikat wargusse wisil Härmale müünu ja 2 rabba-

mata tükki Peter Aripman(n) kätte tallitanu. Nõwwap om(m)e linno kätte.

Johann Andreimann wastutas:"Meil olli nida leppit, kui ka parhella linna minno käen om(m)a ja ei olle mitte ülle leppingo tennu ja tem(m)a linno hennele perrinu." -

Moistetu: Et neil henda waiel leppit nida kui käe kirri näütap, 

Otsus: Peap Johann Andreimann 15 numbri rügga olle linna hendale wõtma ja 13 Nr rügga olle linna om(m)a welle Jaan Andreimann´le jätma; nida kui käe kirri näütap.

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu

                                   Kohtowan(n)emb, Michel Kurwitz  XXX

                                   Kohtomees, Jaan Plak   XXX

                                   Kohtomees, Karel Tobrelutz  XXX

                                              Kirjotaja, J. Käis