Wanna Koiola koggokonna kohtun Wissen, sel 16nel januaril 1878

Man olliwa kohtowan(n)emb, Michel Kurwitz

                   kohtomees, Jaan Plok 

                   kohtomees, Karel Tobrelutz

Johann Meier kaibap, et Jaan Richm tem(m)a maa päält kolme wakka maa tõugo sanu; 13ne wakka ma arrimissen tem(m)a hobbest pruuknu; ent selle eest ei olla ennämb wasta sanu, kui 8 päiwa ja 1 sögi wahhe tem(m)a käest ; nõwwap 43 rbl. sis om rahho. -

Jaan Richm Kiomast wastutas:"Mul es olle en(n)ämb tem(m)a maa pääl kui 3 wak. karo, 2 m. tatreka, 1 küllimüt keswi külwet ja 1 wak kartohwlit mahha pant; ent ne kartohwli wõtt tem(m)a minno käest kige seemnega ärra. Nink tolle maa eest teije minna tälle 6 näddalit tööd. Muido olli mul tälle wõlgu antu, 1 1/2 wak karo, 2/3 wak. linna seemnit, 1/6 hernit, 4 naela ristikhaina seemnit, 13 toopi suurmit ja 4 naela raswa, mes ka kiik mulle masmata.

Moistetu: Et üttegi tun(n)istust kum(m)altki poolt ei olle wõlgu andmisse ja samisse; maa pruukmisse, kui hobbese tarwitamisse ülle; nink ka ütegi käe kirja.

Otsus: Omma mõllemba tõine tõisega kohhalt tassa ja ei olle kumbkum(m)algi tõine tõise käest middagi ennämb nõudmist.

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                         Kohtowan(n)emb, Michel Kurwitz  XXX

                         Kohtomees, Jaan Plak  XXX

                         Kohtomees, Karel Tobrelutz  XXX

                                      Kirjotaja, J. Käis

Johann Meijer protokoll wälja sanu, sel 21 januaril s.a.