Wanna Koiola koggokonna kohtun Wissen, sel 30nel januaril 1878.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Peep Semm tulli ette ja lubbas om(m)a maja õigus kige raud warraga om(m)a wannemba tütre Liso jaos ja kui se tem(m)a tüttar Liso mehhele lähhap, saap to mees se õigus om(m)ale; ent tüttar kui tem(m)a mees peap tedda ni kawwa ülles piddama, kui tem(m)a ellap; nink perrast surma saap maja õigus ja ka ma kige Aktiga selle wannemba tütre Liso ehk tem(m)a mehhe kätte; nink noremba tütre ei sa maja ei ka ma õigust, enge sawa mehhele minneki kõrral, ni kui eggaüts om(m)a sanu om(m)a essa käest 1 lehm 1 lam(m)as ja kirst sissen ollewa rõiwaga ni paljo kui om walmistedu saja päiwal.

Maja õigus saap perrast Peep Semm surma tem(m)a tütre Liso, ehk selle mehhe kätte. - Sellega Peep Sem(m) ja kui ka tem(m)a een tullew tütre Liso mees rahho ja kinnitawa sedda om(m)a käega risti tõmbamisse läbbi. -

Ennine perremees Peep Semm  XXX

Perrast perremehhes saja ja tem(m)a tütre Liso wõtja Jaan Kangro  XXX

                     Kohtowan(n)emb, Mihkel Kurwitz

                     Kohtomees, Jaan Plak

                     Kohtomees, Karli Tobrelutz

                             Kirjotaja, J. Käis