Wanna Koiola koggokonna kohtun Wissen, sel 30nel januaril 1878

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Johann Black kaibap, et tem(m)a kaubelnu hendale Jaan Koort tütre Antonie tenistuste aasta päle; kats kuud ka tenistussen olnu ja perrast Jaan Koort tedda sallamahti ärra winu; nõwwap aasta palka, mes leppit 24 rbl. sis om rahho.

Jaan Koort wastutas: "Kui Johann Bkack olles om(m)a lepping piddanu, sis es olles minna tedda mitte ärra wõtnu; ent et tem(m)a leppingut es pea ja pälegi piddi öse öütsin ja päiwa mona mehhe eest ollema, mes mul mitte leppit es olle; wõtti selle perrast om(m)a tütre ärra, - nink pälegi olli weel tälle wanna palka suggu masmata, sedda es luppa J. B lack massa ja rõiwast es olle minnol ka tälle anda." -

Moistetu: Et Jaan Koort om(m)a tütre tenistusse lepping ilma kohto lubbata om katski murdnu ja tüttre tenistussest ärra wõtnu; mes mitte es pea teggema; enge kohtohe kaibama, kui tütrel halw olli. -

Otsus: Massap Jaan Koort 10 rbl. 14 päiwa sissen Johann Black hääs wälja, selleperrast et tütre tenistussest ärra wõtte. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                           Kohtowan(n)emb, Michel Kurwitz  XXX

                           Kohtomees, Karel Tobrelutz  XXX

                    abbi kohtomees, Jaan Maasik  XXX

                            Kirjotaja, J. Käis