Wanna Koiola koggokonna kohtun Wissen, sel 13nel märzil 1878.

Man olliwa kohtowan(n)emb, M. Kurwitz

                    kohtomees, Jaan Plak

                    kohtomees, Karel Tobrelutz

Peter Pranz kaibap, et Peter Kopli tem(m)a naise käest 6 küünard willast rõiwast wõtnu; mes tem(m)a tälle keelnu; nink nõwwap küündre eest 1 rbl. sis om rahho. -

Peter Kopli wastutas:"Minna küsse tem(m)a käest se rõiwa ja tem(m)a naine and mulle kätte ja rätsep Johann Sabbre mõõt ülle ja saije 5 küünard; ent hinda es olle leppit. " -

Johann Sabbre and tun(n)istust:"Se rõiwas  olli 6 künard pik selle mõdo perra, egga künar 16 tolli." -

Moistetu: Et Peter Pranz se rõiwas naise läbbi Peter Kopli kätte om andnu ja hinda ei olle lepnu; sis pannep kohhus essi hind küündre päält 70 kop. ja rõiwa

 pikkus tullep Johann Sabbre tun(n)istusse perra wälja 4 1/2 künard; mes Peter Kopli peap 14 päiwa sissen ülle kige kokko 3 rbl. 15 kop. Peter Pranz hääs wälja masma. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu.

                      Kohtowan(n)emb, M. Kurwitz  XXX

                          Kohtomees, Jaan Plak  XXX

                          Kohtomees, Karel Tobrelutz  XXX

                                            Kirjotaja, J. Käis