Protokolli N 12 manno

Johann Wesper ja Peter Wesper olliwa kutsmise pääle ette tulnu nink wiimane and wastust, et tema weli Johann om kül ütte aida ommas tarwituses tennu, nisama ka selle lauda, ent lauda palgi ollewat selle maja mõtsast raotu ilma tema lubata, ent keetmise kodda om tema lellal, kes ära koolnu, üles tettu, ja mitte Johann Wesper, aknat om 1 ainus tettu ja ussi om ennegi kats tettu, Peter Wesperi materjalist.

Selle pääke and päkohtumees Gustav Ehrlich tunnistst, et tema om sedda asja üle kaenu nink leudnu, et: se ait olnu ilma katuseda, nink kogonist ära mädanu, mes enamb middagi wärt ei ole, laut olnu 3 Rbl. wärt, suwel keetmise koda 3 Rbl. ja ne kats ust 1 Rbl. ja üts akna 30 Cop.

Selle pääle es ütle kohtun käuja ennamb midagi ütlemist ollewat, sis

Mõisteti

et Peter Wesper peap päkohtumehe tunnistuse perra selle lauda eest 3 Rbl. koa eest 3 Rbl. ussi eest 1 Rbl. ja akna eest 30 Cop. summa 7.30 Cop. 14 päiwa sissen a dato Johann Wesperi hääs ära masma.

Se kohtu otsus saije kohtun käujile kuulutedus.

päkohtumees Gustav Ehrlich [allkiri]

kohtumees Andri Lõhmus [allkiri]

        "           Andri Fluss [allkiri]

Kirjotj.: J.Kirrop