Hanja walla mees Tannil Thalberg kaibas selle koggokonna kohto een: "Minnewa küündlepäiwa 1874 müüsin minna Wõrro liina laadel Wanna Anzmõisa walla tallomehhele Jaan Wibergile ütte hobbese 34 Rubla eest, nink kui se rahha 34 Rubla olli ärra massetu ja meije liiku jooma lätsime, sis olli Jaan Wiberg selle aja sissen se minno käest ostetu hobbesega ärra lännu nink minnu nahktaosse, lintsi ja ka suitse ka ütten ärrä weenu. Minnol olli ennegi hobbene ilma riistute temmale müüdu 34 Rubla eest, sedda tunnistawa Johann Lell ja Ado Joakit. Neide nahk riistade eest nõwwa minna 10 Rubla."

Johann Lell tunnistas nidate: "Jaan Wiberg ostse Wõrro ladelt Tannil Thalbergi käest ütte hobbese ja masse selle eest 34 Rubla, sel hobbesel olliwa nahk taosse, lintsi ja suitse pääl, ne hobbese nahk riiste es olle mitte selle hobbesega ütten ärrä müüdu, enge neid piddi Jaan Wiberg Tannil Thalberg'ile ärrä andma. 

Ado Joakit, Tannil Thalberg ja minna, meije lätsime kõrtsi liiku jooma, ent kui meije kõrtsist wälja tullime, sis olli Jaan Wiberg kige hobbese ja nahk riistadega ärrä lännu nink Tannil Thalberg jäi neidest nahk riistadest ilma. Jaan Wiberg pandse ne riista ütte omma hobbese päle."

Tunnistaja Ado Joakit tunnistas nidasammute kui Johann Lell om tunnistanu.

Otsus.

Jaan Wiberg peab neide Tannil Thalbergi nahk riistu eest 10 Rubla ütte näddala aja sissen sija kohto kätte ärrä masma. 

Päkohtomees Märt Lüüs XXX

Kohtomees Karl Wärnik XXX

  "  Juk Hansi XXX

  "  Peter Treumuth XXX