Linnert Lippart, Märt Tedder ja Karl Warblane tulliwa selle koggokonna kohto ette nink kaibasiwa: "Meije üllewan nimmitedu 3 meest tullime Krawi ladelt ütte hobbese ja wankriga sel 14mal Septembril c. õddakul ilda koddo /:maja:/ tullema, sis tulli meile tee pääl 3 meest manno, ne olliwa: Jaan Kraw, Märt Särremat ja Johann Aint, -- wõttiwa meije hobbese meije käest ärrä ja pessewa meid kiwwide ja malkatega, nink wimate pässesime neide käest ärra."
Linnert Lippart om mõnda hoopi kurra kõrwa päle sanu, nida kui temma essi tunnistab, ja sellest kõrwast om paljo werd wälja joosknu nink ka kats hammast suun wallale om löödu.
Märt Tedder om kurra pole näo päle kõwwa hoobi sanu, ja põsse pääl om ka 2 haawa nätta nink om neidest hawadest paljo werd wälja joosnu, ja om ka mittu hoopi kurra olla päle sanu.
Karl Warblane om temma omma wäljaütlemisse perra paljo hoope sanu ütte malkaga, ent temmal ei olle üttegi hawa ehk märki ette näudata.
Kaibadaw Märt Särremat astus kohto ette nink temmale om se Linnert Lipparti, Märt Teddre ja Karl Warblase kaibus ette loetu; selle päle kostis Märt Särremat nidate: "Minna ei tija selle kaibusse päle muud kostust anda, kui et minna ei olle neid üttegi pesnu, ja ka sel õddakul neidest üttegi omma silmaga ei olle nännu, nink ei tija ka middaki muud tunnistada, kui et mina olle ilm-süüda sellest kaklemissest. "
Kaidadaw Johann Aind astus kohto ette nink temmale om se Linnert Lipparti, Märt Teddre ja Karl Warblase kaibus ette loetu; selle päle kostis Johann Aind nidate: "Minna ei tija selle neide kaibusse päle middake kostust anda, minna ei tija sellest kaklemissest middake kõnnelda, minna olle sellest ilmsüüda."
Kaibadaw Jaan Kraw astus kohto ette nink temmale om se Linnert Lipparti, Märt Teddre ja Karl Warblase kaibus ette loetu; selle päle kostis Jaan Kraw nidate: "Minna ei olle neid nännu ja weel wähhemb neidega kakkelnu, ehk neid pesnu, sedda kaibawa nemma minno päle ütte kawwala kurja nõuga; minna olle ilm-süüda sellest mes nemma minno päle kaibawa."
Otsust ei olle se koggokonna kohhus wõinu mitte anda, ennegi om neide kaibust wasta wõtnu nink Protokolli üllespandnu. Nida sammute om ka neide 3 mehhe käest, kelle päle om kaiwatu, holega perrakulleldu nink om püütu selle kurja töö jälgi päle saada, ent se ei olle kõrda lännu; ne 3 meest, kummade päle om kaiwatu, salgawa kik sedda ärrä ja ütlewa, et nemma neid 3 kaibajad sel päiwal ei olle nännu, weel wähhemb neid pesnu.
Päkohtomees Märt Lüüs XXX
Kohtomees Karl Wärnik XXX
" Peter Treumuth XXX
" Rein Mändik XXX
Linnert Lippart, Märt Tedder ja Karl Warblane tulliwa selle koggokonna kohto ette nink kaibasiwa: "Meije üllewan nimmitedu 3 meest tullime Krawi ladelt ütte hobbese ja wankriga sel 14mal Septembril c. õddakul ilda koddo /:maja:/ tullema, sis tulli meile tee pääl 3 meest manno, ne olliwa: Jaan Kraw, Märt Särremat ja Johann Aint, -- wõttiwa meije hobbese meije käest ärrä ja pessewa meid kiwwide ja malkatega, nink wimate pässesime neide käest ärra."
Linnert Lippart om mõnda hoopi kurra kõrwa päle sanu, nida kui temma essi tunnistab, ja sellest kõrwast om paljo werd wälja joosknu nink ka kats hammast suun wallale om löödu.
Märt Tedder om kurra pole näo päle kõwwa hoobi sanu, ja põsse pääl om ka 2 haawa nätta nink om neidest hawadest paljo werd wälja joosnu, ja om ka mittu hoopi kurra olla päle sanu.
Karl Warblane om temma omma wäljaütlemisse perra paljo hoope sanu ütte malkaga, ent temmal ei olle üttegi hawa ehk märki ette näudata.
Kaibadaw Märt Särremat astus kohto ette nink temmale om se Linnert Lipparti, Märt Teddre ja Karl Warblase kaibus ette loetu; selle päle kostis Märt Särremat nidate: "Minna ei tija selle kaibusse päle muud kostust anda, kui et minna ei olle neid üttegi pesnu, ja ka sel õddakul neidest üttegi omma silmaga ei olle nännu, nink ei tija ka middaki muud tunnistada, kui et mina olle ilm-süüda sellest kaklemissest. "
Kaidadaw Johann Aind astus kohto ette nink temmale om se Linnert Lipparti, Märt Teddre ja Karl Warblase kaibus ette loetu; selle päle kostis Johann Aind nidate: "Minna ei tija selle neide kaibusse päle middake kostust anda, minna ei tija sellest kaklemissest middake kõnnelda, minna olle sellest ilmsüüda."
Kaibadaw Jaan Kraw astus kohto ette nink temmale om se Linnert Lipparti, Märt Teddre ja Karl Warblase kaibus ette loetu; selle päle kostis Jaan Kraw nidate: "Minna ei olle neid nännu ja weel wähhemb neidega kakkelnu, ehk neid pesnu, sedda kaibawa nemma minno päle ütte kawwala kurja nõuga; minna olle ilm-süüda sellest mes nemma minno päle kaibawa."
Otsust ei olle se koggokonna kohhus wõinu mitte anda, ennegi om neide kaibust wasta wõtnu nink Protokolli üllespandnu. Nida sammute om ka neide 3 mehhe käest, kelle päle om kaiwatu, holega perrakulleldu nink om püütu selle kurja töö jälgi päle saada, ent se ei olle kõrda lännu; ne 3 meest, kummade päle om kaiwatu, salgawa kik sedda ärrä ja ütlewa, et nemma neid 3 kaibajad sel päiwal ei olle nännu, weel wähhemb neid pesnu.
Päkohtomees Märt Lüüs XXX
Kohtomees Karl Wärnik XXX
" Peter Treumuth XXX
" Rein Mändik XXX
