Wanna Koiola koggokonna kohtun Wissen, sel 20nel märzil 1878.

Man olliwa kohtowan(n)emb, M. Kurwitz

                    kohtomees, Jaan Plak

                    kohtomees, Michel Plakso

Oppetaja kaibap, et Jaan Ram(m)u, Jaan Kahha, Peter Konna, Jaan Ollesk ja Johann Kurwitz öse päkoli laste man(n)o sisse tüknu ja nõwwap et kohhus sedda ülle kulles ja neid trahwis, kes nida om(m)a tennu. -

Jaan Ram(m)u wastutas:"Minna olli Warressel umbleman ja naije et aida us olli wallale, lätsi kaema; nink Jaan Ollesk ja Johann Kurwitz olliwa aidan.

Jaan Ollesk wastutas:"Minna lätsi perremehhe kässu päle tee kaiwjaid ajama, selleperrast saije sinna." -

Johann Kurwitz üttel: Minna lätsi Peter Oina pole ja se üttel: Minne Warressele ja kae, kes sääl kaarte al tullega kõndwa, kui sinna saije, sis olliwa Jaan Ram(m)o, Peter Konna ja Jaan Kahha ja Jaan Ollesk sääl; nink minna lätsi ka aita.

Peter Konna wastutas:"Minna kuli, et Jaan Ram(m)u sääl töön olli ja lätsi tedda umblema kutsma, selle perrast saije minna sinna aida manno, weitis ajas." -

Jaan Kahha üttel:"Meije ollime sääl töön ja tullime koddo tullema, kulime helli aidan ja lätsime sisse ja jäijeme sinna." -

Moistetu: Et ne kiik, kedda Oppetaja herra ülles om kaiwanu, om(m)a sääl aidan olnu, kon tütrigo sissen maggasiwa, ja om(m)a neide waggalikko rahho om(m)a larmiga rikko. -

Otsus: Massap egga üts 2 rbl. selle walla waeste ladike hääs trahwi 14 päiwa sissen wälja. -

Otsus ette loetu, suremba kohto käümisse sädus § 772, 773 n. 774 perra kulutedu.

Johann Kurwitz 2 rbl. ärra masnu

                 Kohtowan(n)emb, Michel Kurwitz  XXX

                  Kohtomees, Jaan Plak  XXX

                  Kohtomees, Michel Plakso  XXX

                           Kirjotaja, J. Käis