Wanna Koiola koggokonna kohtun Wissen, sel 11nel aprilil 1878.

Man olliwa kohtowan(n)emb, M. Kurwitz

                   kohtomees, Jaan Plak

                   kohtomees, Karel Tobrelutz

Jaan Kirristaja kaibap, et poig Michel Kirristaja tedda pesnu; nink kinni keutnu; nõwwap egga keudetu tunni eest 30 rbl. sis om rahho.

Michel Kirristaja wastutas:"Tem(m)a pes omma naist halledaste kats päiwa järgi pitte, terri-riistoga, selleperrast keudi kinni ütte nisuggutse hullu innemisse." -

Moistetu: Et Jaan Kirristaja jo mitto aigo taggasi om(m)a naist allati om pesnu, kui tem(m)a weel targemba moistussega olli; ent nüüd jälle ilma süüta om(m)a naist om pesnu ja keütmisse perrast om(m)a poja päle kaibap, kes muidogi ütte hullus jänu innemist ütte nisuggutse asja sissen piddi kinni keutma, et majan rahhu üllewel saas hoijetus.

Otsus: Istup Jaan Kirristaja 14 päiwa sissen 3 öödpäiwa selle koggokonna kohto türmin kinni ja tem(m)a poig Michel jääp sest kaibussest koggoni priis. -

Kohtokäüjile otsus ette loetu suremba kohtokäümisse sädus § 772 - 774 perra kulutedu.

                        Kohtowan(n)emb, M. Kurwitz  XXX

                         Kohtomees, Jaan Plak  XXX

                         Kohtomees, Karel Tobrelutz  XXX

                                   Kirjotaja, J. Käis

Jaan Kirristaja protokoll wälja sanu sel 12nel aprilil s.a.

                                                                                              Kirjotaja, J. Käis