Wanna Koiola koggokonna kohtun Wissen, sel 11nel aprilil 1878.

Man olliwa kohtowan(n)emb, M. Kurwitz

                    kohtomees, Jaan Plak

                    kohtomees, Michel Plakso

Michel Ram(m)o kaibap, et tem(m)a andnu Sohwi Pund´le 8 rbl. kihlustes kätte ja nüüd ei maswat taggasi, nõwwap sedda kätte.

Sohwi Pund om(m)a eestsaisja M. Ostra läbbi wastutas:"Temma and kül mulle 8 rbl. ja lubbas wõtta; ent perrast es wõtta min(n)o ja wõtse tõise tüdriko hendale naises ja minna olles ka hää meelega tälle lännu ja om(m)a lubbaus piddanu; ent tem(m)a murs sedda katski, ja jätt minno mahha." -

Moistetu: Et Michel Ram(m)o om(m)a lubbaust ei olle piddanu ja ilma tüdriko küssimata rahha kätte paknu, ja siski ei olle tedda wõtnu; om(m)a rahhaga tedda trotsnu.

Otsus: Kaotap Michel Rammo om(m)a kätte antu rahha kui wimane koppek. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                               Kohtowan(n)emb, M. Kurwitz  XXX

                               Kohtomees, Jaan Plak  XXX

                               Kohtomees, Michel Plakso  XXX

                                            Kirjotaja, J. Käis