Wanna Koiola koggokonna kohtun Wissen, sel 24tal april 1878.

Man olliwa kohtowan(n)emb, M. Kurwitz

                   kohtomees, Jaan Plak

                   kohtomees, Karel Tobrelutz

Johann Kriwa kaibap, et Peter Haidak tem(m)a mõts wasta om(m)a leppingut rahha perra 5 rbl. arwat, ei tahha ärra raggoda laske ja rahha ka ei maswat nida kui leppit; nõwwap om(m)a mõtsa, ehk 5 rbl.  Ja ka kõiwo eest 10 rbl., mes wargusse kombel raggonu, jäm(m)e 12 tolli kanno päält, sis om rahho.

Peter Haidak wastutas:"Mõtsa eest ei olle mul middagi massa; ent kõiw olli min(n)o om(m)a wastse krundi arwo perra, olgu kül et wan(n)ast tem(m)a krondi perra ta olli; raije kül mahha; nink weije om(m)a koddo." -

Michel Kadde and tun(n)istust:"Johann Kriwa küsse Peter Haidak käest leppingo perra 5 rbl. mõtsa wahhetamisse rahha; ent Peter Haidak üttel:"Wiit rublat om paljo; ent kolm massa; nink kui nakkat kiusama, sest et keddagi man es olle; sis ei massa kopkatki." -

Sedda sam(m)a wisi üttel ka Johann Pik, kes neide leppingo man olnu. -

Moistetu: Et Peter Haidak leppingo perra mõtsa ei tahta raggoda laske ja ka leppingo perra 5 rbl. rahha ei tahha Johan(n) Kriwa hääs massa; nink illusa koiwo om(m)a lubbaga henda hääs Johan(n) Kriwa wanna krondi perra mahha raggonu. -

Otsus: Massap Peter Haidak 5 rbl. om(m)a leppingo perra Johann Kriwa hääs, ehk lasko mõts raggoda; nink kõiwo eest; mes om(m)a lubbaga raggonu 5 rbl. ka Johann Kriwa hääs; nink et ilma kohto lubbata kõiw om raggonu 1 rbl. selle walla waeste ladike hääs trahwi ja masmin(n)e peap 14 päiwa sissen sundima kohhe moistetu. -

Kohtokäüjile otsus ette loetu suremba kohtokäümisse sädus § 772, 773 n. 774 perra kulutedu.

                         Kohtowan(n)emb, M. Kurwitz  XXX

                         Kohtomees, Jaan Plak  XXX

                         Kohtomees, Karel Tobrelutz  XXX

                                    Kirjotaja, J. Käis

Peter Haidak protokoll wälja sanu sel 29tal aprilil s.a.