Wanna Koiola koggokonna kohtun Wissen, sel 8tal mail 1878.

Man olliwa kohtomees, Jaan Plak

                   kohtomees, Karel Tobrelutz

           abbi kohtomees, Jaan Maasik

Kaddonu Johani läsk Liis Kottisse om(m)a eest saisja Josep Kolt man ollekin kaibap, et tem(m)a mehhe ennitse naise poig Jaan Kottisse tälle om(m)a mehhest lubbatu hoonit ja nim(m)elt: 1 ait, 1 tal ja 1 kodda ei lubbawat; mes kohtomees Jaan Plak selgest teedwat; nõwwap neid hendale pruuki ja ka 3 wakka maa kige lähhembast mõtsa maast ni kawwa kui ellas; sis om rahho. -

Jaan Kottisse wastutas:"Talli minna ei keela; ent tood aita ja kotta minna ei anna; mes kohtomees Jaan Plak selgest ka teed ja mes tem(m)a ka nõud; nink maad minna ka ei keela; nink anna kost minna essi arwa; ent mitte kohto läbbi." -

Moistetu: Jaan Kottisse peap 1 ait, 1 tal ja 1 kodda, mes kohtomees Jaan Plak ka teed läsk Liis Kottisse hääs ja ka 3me wakka alla maad lähhembast mõtsa maast pruuki andma; ni kawwa kui tem(m)a latse täüs ealisses sawa; nink sis perrast jääp tälle kiik perrisses, om(m)a maja hääs pruuki.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                            Kohtomees, Jaan Plak  XXX

                            Kohtomees Karel Tobrelutz  XXX

                       abbi kohtomees, Jaan Maasik  XXX

                               Kirjotaja, J. Käis

Jaan Kottisse protokoll wälja sanu sel 10 mail.