Wanna Koiola koggokon(n)a kohtun Wissen, sel 22tal mail 1878.

Man olliwa kohtowan(n)emb, M. Kurwitz

                     kohtomees, Jaan Plak

                     kohtomees, Karel Tobrelutz

Josep Hurt kaibap, et Tannil Jacht, Karel Kahha ja Michel Ostra tem(m)a krundi sissen ellawat ja nõwwap, et ne nim(m)itedu peawa eggaüts om(m)a krundi päle elläma  minnema, mes neile krono poolt kätte antu; sis om rahho. -

Tannil Jacht wastutas: Sääl ei sa keaki ellada, mes küllast kolm wersta kaugel om; weidi ja pohhas liiw." -

Karel Kahha wastutas: Minna lääs, ent ei olle jõudo; wigo Josep Hurt min(n)o ellotus wälja, wõtta sedda hääs." -

Michel Ostra wastutas:" Wigo Josep Hurt minno ellotus om(m)a kulluga om(m)a ma päle ja tekku ülles; sis lä hämelega; ent selle krono poolt kätte antu maa pääl ei sa ütski ellaw heng ülles petus ja om(m)ast käest jõudo mul ei olle." -

Moistetu: Et neil kolmel kigile Austud Regulerimisse kommissioni läbbi Domainen kohto lubbaga henda piddada kront ja ka selle tarwis Akt kätte om antu; sedda maad woiwa pruuki; ni kui egga üts tallo perremees. 

Otsus: Peawa ne kolm sel 23tal aprilil 1879 aastal egga üts om(m)a kätte pruuki antu krondi päle om(m)a ellotus ülles ehhitama ja Josep Hurt palts puhtas kassima, kigest om(m)ast kramist. -

Kohtokäüjile otsus ette loetu, suremba kohtokäümise sädus § 772-774 perra kulutedu.

               Kohtowan(n)emb, M. Kurwitz  XXX

                  Kohtomees, Jaan Plak  XXX

                  Kohtomees, Karel Tobrelutz  XXX

                            Kirjotaja, J. Käis

Protokoll wälja sanuwa sel 24 mail s.a. -