Wanna Koiola koggokon(n)a kohtun Wissen, sel 22tal mail 1878.

Man olliwa kohtowan(n)emb, M. Kurwitz

                    kohtomees, Jaan Plak

                    kohtomees, Karel Tobrelutz

Peter Haidak kaibap, et Johhan Kriwa tem(m)a kaswo kõiw 10 tolli jäm(m)e ärra raggonu wargusse kombel, kost tem(m)a käest tähhes puu tõlw kätte sadu; nõwwap om(m)a kalli kaswo kõiwo eest 25 rbl. sis om rahho. 

Johhan Kriwa wastutas:"Min(n)a raije Ahja maa päält kõiw, kost puu tõlw saije tettus ja ei olle mitte Peter Haidako kaswo kõiw." -

Peter Sing kes sedda kõiwo om ülle kaenu; and tun(n)istust: Et to kõiw, mes Johann Kriwa hendale pu tõlwas tüwwi tennu, olla justament Peter Haidak jao päält raotu, nink Johan(n) Kriwa ei woiwat sedda sugguge ärra sallata, et tem(m)a sedda ei olle raggonu." -

Michel Peedzo and tun(n)istust:"Johan(n) Kriwa om just to Peter Haidako kõiw raggonu, kelle tüwwi tem(m)a usaijan olli ja olli puu tõlwas tettu, arwata 10 tolli jämme." -

Peter Kadde and tun(n)istust: Johann Kriwa om Peter Haidako kaswo kõiwo raggonu, mes tem(m)a sinna seeme koiwos olli jätnu, nink näije sedda kui tem(m)a kõiwoga koddo tulli." 

Josep Kadde and tun(n)istust: Johann Kriwa tulli mõtsast ja olli hallo pin kõiwo tüwwi säljan; ent tood ei tija, kost tem(m)a ta raggonu olli." -

Moistetu: Et tun(n)istusse läbbi awwalikkus sanu, et Johann Kriwa Peter Haidak kaswo kõiw om raggonu, kedda Peter Sing om ülle kaenu. -

Otsus: Massap Johann Kriwa 2 rbl. Peter Haidak hääs 14 päiwa sissen kaswo kõiwo kahjus wälja. -

Kohtokäüjile otsus ette loetu, suremba kohtokäümisse sädus § 772-774 perra kulutedu. -

                    Kohtowan(n)emb, M. Kurwitz  XXX

                     Kohtomees, Jaan Plak  XXX

                     Kohtomees, Karel Tobrelutz  XXX

                                Kirjotaja, J. Käis

Peter Haidak protokoll wälja sanu sel 27 mail s.a.