Kohtulikku ette kutsmisse päle tulli ette Auguste Siller, et temma peap ärra tunnistama kuis temma latse samisse nink sündimissega assi om olnu, kedda koggokonna wannemb Karli Kauru, kohtumees Hindrik Weski woonmönder Jaan Saar, temma rõiwa kirstust 15mal Martsil omma wälja wõtnu, nink saije temma perran nättaw küssimisse ette pantus.

a. kes om latse essa olnu, kellega ollet latse sanu?

b. konnes lats sündi nink mil ajal?

g  kas keage om latse sündimist nännu?

e kas lats om ellun ilmale tulnu?

g. kui palju aiga lats om perran sündimist kristun saisnu?

h. kohhes olli sul mõtte perrast sedda last kirstust panda?

Selle küssimisse päle wastas Auguste Siller

" et Kusta Sarega om minnul se lats olnu

" ja kui se lats sündi olli pühhapäiwa õddang

" 5 Februar ja tulli olli üllewan ja tarren olli

" rahwast, ent minna hoitse enda et kege

" minnu latse ilmale tomist es näe, ei ka

" sest keagi middage märki es woi wõtta

" Ent kas latsel ello olli suggugi, ei woi 

" minna mitte üttelda, sest minna ei 

" olle temmale middagi wigga tennu, ei

" olle ka minna tedda surmanu, ent kui

" lats ilmale tulli wisi minna tedda omma

" reiwa kristu aida mannu, nink sääl saisis 

" lats paigal 5 näddalit ja 3 päiwa, seni kui

" koggokonna wannemb Karli Kauru nink

" perrenaine Lena Birkenbaum wälja wõttiwa

" minnu mötte olli hoita suwweni, sis kui muid

" kooljit mattetas, mõtli pihha aida mahha matta. -

Nida sai se küssimisse ehk wälja juurdlemisse kohhos, kuis selle latsega luggu olnu, täämba loppetedus nink saap se prottukol satedus Keiserlikku Tartu ma kohtute, kon sedda last jobba om ülle kaetu.