Kaewas Pallomõisa mõtsa saks Kruse et Wastse Koijola mehhe, Ado Sällimann, Jüri Kutmann ja Adam Sturm ommawa egga üts 1/2 suld puid Pallomõisa mõtsast ilm lubbata winu, mes ommawa ülles rajotu olnu ja nõuwap et neid egga üts peab wiis rubla trahwi masma.
Saije Adam Sturm ette kutsutus, ja wastutas et tedda om walla wallitsus ilm tähheta Pallomõisa mõtsa puid toma ajanu, ja temma om ka lännu ja om puu päle pandnu ilm üttegi mõtsa ammetnikku kätte näitamada, ja ei arwa säält hendal middagi sudi ollewad.
Saije Ado Sällimann ette kutsutus ja wastotas nida samma kui Ado Sturm.
Jürri Kutmann wastutap ettemma om kül üts koorma puid mõisa mõtsast ilm lubbata tonu.
Mõistis kohhus: Et Wastse Koijola mehhe Adam Sturm, Ado Sällimann ja Jürri Kutmann peawa egga üts 1 rubla 50 kop mõisa wallitsuule ilm lubbata mõtsa minnegi eest trahwi masma sel 1 Januaril 1881.
Mõistmine kuludetu ent eddesi kaipaminne kelet.
Adam Sturm, Ado Sällimann ja Jüri Kutmann pallewa protokoll wälja, protokol sel 6 nowemb wälja antu.
Kaewas Pallomõisa mõtsa saks Kruse et Wastse Koijola mehhe, Ado Sällimann, Jüri Kutmann ja Adam Sturm ommawa egga üts 1/2 suld puid Pallomõisa mõtsast ilm lubbata winu, mes ommawa ülles rajotu olnu ja nõuwap et neid egga üts peab wiis rubla trahwi masma.
Saije Adam Sturm ette kutsutus, ja wastutas et tedda om walla wallitsus ilm tähheta Pallomõisa mõtsa puid toma ajanu, ja temma om ka lännu ja om puu päle pandnu ilm üttegi mõtsa ammetnikku kätte näitamada, ja ei arwa säält hendal middagi sudi ollewad.
Saije Ado Sällimann ette kutsutus ja wastotas nida samma kui Ado Sturm.
Jürri Kutmann wastutap ettemma om kül üts koorma puid mõisa mõtsast ilm lubbata tonu.
Mõistis kohhus: Et Wastse Koijola mehhe Adam Sturm, Ado Sällimann ja Jürri Kutmann peawa egga üts 1 rubla 50 kop mõisa wallitsuule ilm lubbata mõtsa minnegi eest trahwi masma sel 1 Januaril 1881.
Mõistmine kuludetu ent eddesi kaipaminne kelet.
Adam Sturm, Ado Sällimann ja Jüri Kutmann pallewa protokoll wälja, protokol sel 6 nowemb wälja antu.
