Wanna Koiola koggokon(n)a kohtun Wissen, sel 8tal junil 1878.

Man olliwa kohtowan(n)emb, M. Kurwitz

                    kohtomees, Michel Plakso

                abbi kohtomees, Jaan Maasik

Wallawallitsus S. Härms kaibap, et Kurwitza Kolga perremehhe tedda om(m)a kutsnu kaema, et Peter Kattai ülle om(m)a piri karja tee ärra kündnu, nink tem(m)a om kaartiga ka sinna lännu ja löudnu; et üts kuppetz koggonist laotedu ja tõisest 6 sam(m)o ülle kün(n)etu, et peap piir paika jätma ja kuppetz ülles teggema; ent tem(m)a sedda ei olle siski kuulnu, ja maa ülle piri henda hääs siski ärra külwnu; nõwwap, et kohhus tedda trahwis. -

Peter Kattai wastutas:"Mulle üttel Josep Kurwitz om(m)a kaarti perra õige ollewat; nida kui minna olle kündnu ja selle man olli Karel Sikkal, selle päle olli min(n)a julge ja teije eddesi." -

Josep Kurwitz wastutas:"Minna ei olle middagi tälle lubbanu; egga minna walla kaart es olle; nink minno kaart näütap nisam(mute kui walla kaart." - 

Moistetu: Et Peter Kattai walla wallitsus keeldo ei olle kuulnu ja wasta keeldo põllus keelto kottu tennu ja kuppez ärra laotanu.

Otsus: Massap Peter Kattai 10 rbl. walla waeste ladike hääs trahwi piri rikmisse eest ja istup 2 öödpäiwa selle kogg. kohto türmin, et walla wallitsus keeldo ei olle kuulnu; 14 päiwa sissen. -

Kohtokäüjile otsus ette loetu, suremba kohtokäümisse sädus § 772-774 perra kulutedu.

                    Kohtowan(n)emb, M. Kurwitz  XXX

                    Kohtomees, Michel Plakso  XXX

              abbi kohtomees, Jaan Maasik  XXX

                          Kirjotaja, J. Käis

Peter Kattai protokoll wälja sanu sel 13 junil s.a.