Sel sammal nimmitu päiwal 28 Fbr tulli meÿe möisa rendi härra kaibussega ette, nink palles kohhut, ütte üttest ärra-lahhutamist tema kaibusse asijun:

Temmal ollewat 28 Januaril üts Ilmjerwe tüdruk nimmega Ann Joonas 21 aastat wanna, Orriko tallust tullewas aastas möisale tö tüdrukus wõtnu, nink temmale 50 cop käe rahha andnu. -

Täämba 28dal Februaril ollew selle tüdruku wanna perremees Orriko Ado Peterson tulnu, et temma tahtwat sedda tüdruko weel henda man piddada, nink toowat temma Rendi härra Beitleri antu käerahha 50 cop, ja leppingu tähte taggasi, ja henda poolt pool mannu. - Kui Rendi härra Beitler ei ollew wasta wõtnu, ollew Ado Peterson todda rahha ja tähte waggisi pääle tüklikul wiisil rendi härra Puldi pääle wiskanu. -

Sis nüüd palles Rendi härra selle Ado Petersoni ette kantu wiisi perrast, kohhut todda asja parrembide selletada. -

Sellepääle saÿ mõistetus, et kui Rendi härra tüdrukut wöttap, siis peawat ka temma wannembit wõtma. -

Ent Rendi härra ei olle tollega rahhul, (sest se ei saisa konnegi säädussen, et tüttar peap wannembit piddama kui poig om) nink tahhap ausa Keiserliko IV kihhelkonna kohhut, omma õigusse taggan otsmisse perrast mida kui Tallorahwa säädusse raamat § 374 ütlep, abbis pallelda. -