Kaibussega tulli ette sep Willem Oendorf, et Kaurodootsi Johann Wesk ollewat temmaga, pääle nekruti loosmisse talwel, Ilmjerwe kõrdsiman kakkelnu. - selle perrast, et temma Johani käest seppa renti om nõudnu

1 Tunnistaja Märt Kiwit ütle et Johann ollewat Willemit üllewast, ei tije kost kinni wõtnu, ja hääle poole wasta maad löönu, nink pääle tolle weel Willemile kõrwa pääle löönu. -

2. Jaan Juust tunnistap, et Willem ollew enne Johanit löönu, ja weel pääle tolle tõine tõisele mõnni poks andnu, - muud temma ei teedwat, temma ollew säält mant ärra lännu. -

Ent et täämba weel kiik tunnistus mehhe koon es olle, saap tõine kõrd ette wõetus. -

[hilisem juurdekirjutus:] Johann Wesk ja Willem Oendorf lepsewa essi henda wahhel ärra. -