Kaibussega aste ette moisa rendi herra Beitler omma Lohha kandimehhe Karl King wasta.

Karl King ollew minnewa aasta suwwel mahha raotu moisa puidest hennele üts Pistkodda tennu, - mis nüüd talwel jälle sedda kodda ärra lahknu ja pallutanu sellest Koast pool puid ärra. -

Talwe ollewat nore härra tedda keelnu, sedda Kodda mitte pallotada; ent temma ollew iks pallotanu! - selleperrast et temma kewwaja ärra lät nink ennamb ei pruukwat. -

Härra es tahha neide ärra pollutedu puije eest middagi; - enge Sönna kuulmadu olleki perrast. -

Sis saije moistetus, et Karl King Sõnnakuulmada olleki eest peap sandi ladiku masma 50 kop. -

Ka om temma weel moisale wõlgo 25 päiwa nink egga päiw rehkendatas 25 kop, - Summa 6 Rbl 25 kop. - ja üts kuwwendik rükki, mes küllümada jäänu, neide eest 50 koppik. - Sis om temma moisale wõlgo 6 Rbl 75 kop. -

Se peap Jürri päiwani moisale ärra mastu ollema. - Temma rehknudi pääle tullep ka Michel Petersoni käest 1 wak rükki moisale. -