Wanna Koiola koggokonna kohtun Wissen, sel 3tal julil 1878.

Man olliwa kohtowan(n)emb, M. Kurwitz

                    kohtomees, Jaan Plak

                    kohtomees, Karel Tobrelutz

Liis Konna om(m)a eestsaisja Jakob Puik man ollekin kaibap, Marri Pik päle trotsmisse perrast, mitmet wisi; nõwwap 10 rbl. trahwi massa sis om rahho. -

Marri Pik om(m)a mehhe Jaan eestsaismisen wastutas:"Tem(m)a tulli minno manno, kui minna kapst lome istuti ja nakkas minno jao wirgest kapst lome tarbis loma kui enne päiw om(m)a loma olli istutanu ja perra jänu looma wälja andnu; nink trotse minno ka mitmes, kelle ülle tun(n)istaja sawa tõttet kõnnelema." -

Ewa Pranz and tun(n)istust:"Minna istuti lome ja Liis Konna üttel Marri Pik wasta: Kae sinna sinna ei woi istutada mes minno jaggo om ja sääl olli ka minna istu-

taman, kui lõunes jo walmis saime ja jätse kaibus wirges istutamata, kedda tem(m)a perrast keelse ja lapjoga wirgest looma tulli; nink minna ka Marri Pik kuts-

misse päle tõise wirgese päle lätsi tem(m)a loome iks eddesi istutama; ent trotsmist minna es kule." -

Marri Konna and tun(n)istust:"Minna es kule middagi neide asjast ja nõwwa omma kõnnike eest om(m)a kallis arwato päiwa palka selle käest, kes minno om ülles ilma asjanda andnu." -

Marri Pik Joh. naine and tun(n)istust:"Liis Konna tulli kui meije kapst loome istutime aida ja kaapse wirges lakka; mes enne koddapolitse hääs soowse ütte istu-

tada; ent sõimamist ei olle minna kuulnu."

Moistetu: Et kolme tun(n)istaja läbbi awwalikkus sanu, et Marri Pik ei olle minkit wisi Liis Konna´t trotsnu ja pälegi kus Liis Konna tõise istutamisse sekka tüknu, kui enne om(m)a loma om(m)a jao päle om päiw enne ärra istutanu.

Otsus: Massap Liis Konna 2 rbl. selle walla waeste ladike hääs 14 päiwa sissen trahwi ja peap parrembast eddespiddi om(m)a lähhembaga rahhun ellama. -

  Ärra lepnuwa

Kohtokäüjile otsus esste loetu, suremba kohtokäümisse sädus § 772-774 perra kulutedu.

                   Kohtowan(n)emb, M. Kurwitz  XXX

                      Kohtomees, Jaan Plak  XXX

                      Kohtomees, Karel Tobrelutz  XXX

                           Kirjotaja, J. Käis