Kaibussega tulli ette kronu mõtsawaht Jaan Juust, et Tedre kandi mehhe Hindrik Wirk ja Jaan Margusson omma karja omma lasknu kroonomõtsa sisse, ilma mõtsawahhi lubbata hoijo mõtsa, - ja ka tuld tennuwa. -

Krono mõtsa herra poolest om kül lubbatu krono mõtsa karja laske, ennegi säärtse paika, kon kroonu mõtsale mitte kahjo ei sa. -

Sellepääle saij koggokonna kohtu poolt neid se kõrd kangeste keeltus, mitte omma karja ennamb kroono mõtsa, sinna paika mes om keeltu, laske, ei ka tuld mõtsa tetta. -

Kui peas nemma weel wasta säädust teggema ja kui peas üts kaibus mõtsawahhi poolt neide ülle ette tullema, et neil ellaja söötmisse perrast sis hoobini kangeste ärra keeltus sa; mitte üts ellaja jalg krono mõtsa laske, ja mõisa ei lasse ka omma ma pääle las näil sis ommi ellajid panda, kos na tahtwa. -