Kohtuliko ette laskmisse pääle aste kohtu ette Preili von Hehn; - nink andis kohtu een ülles, - et Preili om henda eest, - - kohtulikkuin asjun, wasta Otto Palmi, - Ottepä kerriko Wöölmündre Härra Carl von Roth, pallelnu, - kes Preili assemel kohtun kõnnelep, ja täwwelikko säädusse wõimussen kohtu asjad preili eest kiik tallitap. - ja preili and ka joonelt ülles nink laskis kohtu läbbi üttelda: "Et Otto Palm, sellest päiwast, - konna temma säärast kohto asjo om preilit wasta ülles wõtnu, ei olle ennamb Preili pool middagi teggemist, ja ei tohhi ka omma jallaga preili poole minna. -

-------------------------

Täämba, sel 23dal Augustil tulli Otto Palm koggokonna kohtu ette, selle Wirro maja perrast, kumba temma ostnu om, ent selletarwis sedda ostmisse rahha 1200 Rbl (tuhhat kats sadda rubl.) Hehni Preili selle maja eest wäljamasnu om, nink Otto Palm om jätnu todda maija Hehni preili kätte pandis; nüüd tullep Otto Palm kohtu ette, nink kõnnel ja selletas kohto een ülles. Et temma todda maija omma kätte tahhap saija ja ütles: Et Wirro tallu preili käen alwaste lähhap. -

Sellepääle andse preili assemel, Ottepä kerriko Wöölmündre herra ülles, et Otto Palm ilma keelmada se Wirro maja wõip omma kätte saija, kui temma, omma pandikirja põhja pääle mes temma sel 5dal märzil 1864, ja 29 aprillil 1866, preili kätte om wälja andnu, - Hehni preilile need massut ärra massap, - mes temma se maja pääle om kullutanu, nink nimmelt:

Ent pääle selle nättawal saiswa rahha summa om preili sääl aija puid istutanu nink neid wõttap preili ka taggasi, - ilma et neid siin rahha summan om mannu arwatu. -

Perrakõrd selletas weel Wöölmündre Herra, et sedda maggasi wilja wõlga, kumb Preili aigo om tettus saanu, massap Preili essi illusaste ka ärra. -, 

Otto Palmi käest saij küssitus, - kas temma tahhassi seda wiisi maja wõtta, ja todda rahha preilile ärra massa? - Ent temma es wõi sellepääle täämbasel kõrral middagi üttelda, enge palles hendale kattessa päiwa perra mõtlemisses, - mes temmale ka lubbati. -