Kohtu ette aste kaibussega Lokomärdi Adam Leiter, et Urmi kandimees Jaan Leiter ollew 4dal augustil temma maa pääl ütte wäikesse tükki sood pallama pandnu, kon temmal 3 hääd koormat leotedu linnu kuiwatamisse tarwis, -   weerde olli lajale laotedu, nink sis ka ütten no linna ärra pallanuwa; sedda pallama pandmist ollew Michel Trik temmale tunnistanu, kellega nemma kattekeste omma kainuwa

Jaan Leiter kutsuti ette ja temma kostis küssimisse pääle, et temma ei ollew sinna paika tuld pandnu enge tulli ollew jobba enne neid olnu, ja nemma ollew, Jaan Leiter een ja Michel Trik taggan, säält mööda lännuwa, ja neil ollew mõllembil piibo pallanuwa, ja tikko olnuwa ütten; - nink mida ikkes eddesi ja taggasi salgas. -

Päle selle sai ette kutsutus tunnistaja Michel Trik, - ja temma tunnistas et temma ollew saisnu tee raa pääl, - ja Jaan Leiter ollew ülle kraawi karganu (: sest sääl te ra ja soo wahhel om üts kolme jala laijune kraaw:) ja pandnu pessuga piipu pallama, - ja pääle tolle pessuga tulle mätta sisse zuskanu. -

Selle pääle saij moistetus, et Jaan Leiter eddimält omma suure salgamisse eest saap 15 witsa lööki. -

Nink perrast saij nida arwatus et neid linno olles saanu koorma pääle 2 punda, kokko 6 leisikat. - ja nüüdetse hinna perra, massap pund 3 Rbl, sis om Adam Leiter kahjo saanu 18 Rubl; - sis ka tõiselt koggokonna kohtu poolt mõitetus, - et Jaan Leiter peap ka Adam Leiterile to saadu kahju, 18 Rbl ärra masma.

Ent Adam Leiter teggi henda pritahtlikolt to 18 Rbl kahjo pooles, - ni et Jaan Leiter masku 9 Rbl, ja tõise 9 jääp Adam ommas kahjus. - Ent küündle päiwas olgo Jaanil ärra mastu.-

Jaan Leiter pallel ülli wäega selle 15 löögi perrast andis jätta, - nink se jäeti ka, ent selle eest peap temma 1 Rbl hõbb Sandi ladiko masma.