Ilmjerwe moisa herra C. Beitler andis koggokonna kohtu perrakullemisse alla se Ilmjerwe moisa rehhe ja õlleküüni ärrapallamisse asja perra kulata, sest 31sel Octobril s.a olli Moisa Rehhi ja küün ärra pallanu ilma et weel olles teeda saanu, kost tulli hoonetesse akkanu. -

Kutsuti ette neid innimisset, - kes sel päewal Rehhe manno olliwa töösse tallitedu, nimmelt Rehhe popp Pawel Behrsit karjamees Karl Adder, Karl Tikker Hindrik Kiwit Michel Trik ja Kristo Herbst. -

Pawel Behrsit ütles: Temma ollewat kella 8 aigo hommungu nattuke tuld Rehhe ahjo tennu toore puijega nink ahhi ei ollewat weel sugguke hästi pallanu; kella 10 aego arwata om temma Rehhe Riial omma töö man teiste meestega olnu, kui kuulu säärast mürrinad, - temma kaeno Rehhe poole, nink nännu Rehhe lae pääl ülgi sissen nakkanu suits ja tulli häkki kattussede minnema, - säält üttelnu temma ka tõistele rehhe man töömeestele et Rehhi pallap, - - joosknu essi ka weel Rehte kaema ent nännu et rehhi sehhest klaar ja selge olnu nink mitte Rehhen tuld ei olle olnu. -

Temma arwab et karjamees Karl Adder sedda kahjo woip olla tennu, - selle et Karl Adder om käino Rehhen Piipo pallama pandman ja om pääkastist Rehhe otsa päält õlgi mahha wõtnu ja karja lauda mannu weddanu. - Ka annap Pawel Behrsit perra et Rehhe ahjo kummid kõwwad olnu nink säält mitte tuld ei olle wälja tulnu. - Karl Tikker ütles: temma lännu rihte sööma, ja allustanu süwwa kui Karl Adder tõise koorma õlgi perra tulno, kas Karl Adder jo olli hendale teine koorma õlgi pääle tennu wai mitte, sedda temma ei olle nännu, om agga nipaljo nännu, - et Karl Adder pandno Rehhe ahjo tukkawwan piipo pallama, tõmmano kas kats suitso ja lännu Rehhe läwwest wälja, - kas sis Karl Adder om lännu õlgi hendale pä kastit teggema hobbese pääle wai om jo walmis päle pantu õlgiga Rehhemant õkwa mõisa lauta mannu sõitnu, sedda temma ei ollew nännu.

Perran söömist om temma (Karl Tikker) tulnu Karl Adra käest hobbest otsma mõtsa aggo perra minna ja om olnu Karl Adder õlled mahha pandnu nink hobbese tarre läwwele ajanu ja essi tarren olnu, sis küssino temma (Tikker) Karl Adra käest hobbese ja sõitno mõtsa ent Karl Adder on tarre jäänu, Kui temma hobbesega mõtsa sõitnu, sääl om temma kirwe nõnna ärra löönu ja lännu Urmile (1-1½ wersta moisast) kirwest iggoma, nink sääl üttelnuwa naise et moisa Rehhe pallawa. Ka temma arwab et se kahjo Karl Adra käest om sündinu. -

Kutsuti ette Karl Adder ja kostis küssimisse pääle: Temma lännu Rehhe manno Rehhe päält karjale pikki õlgi tooma, Wissano Rehhe lae päält arwata 16 kubbo õlgi mahha ja kutsun Hindrik Kiiwita appi neid õlgi pääle pandma wankrise, Hindrik awwitanu pääle panda ja jäänu weel mõnni kubbo mahha. Sis tulnu temma tõise woori perra ja lännu ütsinda päkasti nink pandno need õlled pääle mes maan olnuwa ja ajanu hobbesega pää kastist wälja ja Rii allutse - sest - wärrawast mööda, kos wärrawa pääl Michel Trik tuulutanu, - Michel Trik om saisnu keswa unniko pääl wärrawa kõrwal ja olnu luud käen nink nännu kui temma Karl Adder hobbese tõise olle koormaga wärrajast mööda ajano ja obbese saisma jätnu nink temmast möda lännu Rihte piipo pallama pandma; kui piip pallama saanu sis tommano temma paar suitso ja lännu läwwest wälja minnema ent kaeno et piip ärra kistonu ja pandno Piibo tasko ja lännu jälle sest sammast läwwest wälja kost temma olli sisse tulnu - Michel Trikkist mööda ja sõitnu õlgiga karja aija mannu, teepääl om Kristo Herbst timmale wanna müüri kandso man wasta tulnu. -

Lauda man om temma õlled mahha pandnu ja wiino obbesega 7 kubbu õlgi tarre mannu, sis tulnu Karl Tikker tarre ja kussino temma käest hobbest, temma om ka kasknu Karl Tikkeril hobbest wõtta, lännu agga essi ärbani mant ellaaja loigo tooma, wiino lõigad karja aija mannu, köitnu karja aijas löijad kinni ja jänu weel Lõigo 18 tükki ülle - sis tulnuwa Naese ja Rööknuwa ja tulnu Jakob Wassil ja üttelnu Rehhe pallawa

Sis lännu temma laudast wälja ja nännu et Rehhe pallawa. - Temma salgap et temma ei olle lännu tõist kõrda Rehhe lae pääle õlgi wiskama waid om need sammad õlled maast pääle ajanu mis eddimõtsest woorist perra jäid, - ka ei ollewd temma nimme ei ka koggemata tuld Rehhe pääle pandnu. - Löigoga karja aija manno minnen olnu obbesene weel tarrelawwel, ent Karl Tikker wist olnu weel tarren.

Kutsuti ette Michel Trik ja ütles: kui Rehhe Pap Pawel Behrsit üttelnu: et Rehhi pallap, sis lännu temma ka Rehhe läwwa pääle kaema ja nännu et Rehhi sehhest ei olle pallanu waid koggoni selge olnu, - ent Rehhe lae päält lännu tulli kattussede. - Sedda temma ei olle nännu, et Karl Adder tõise pääle pantu koorma õlgi säält wärrawast mööda ajanu om, kos temma keswi tuulutanu, - nännu kül et Karl Adder Rehte lännu, agga mitte sedda ei ole nännu, - kost läwwest Karl Adder wälja lännu om. -

Kubjas Tscholder ütlep et Michel Trik om temmale ütelnu, temma (M. Trik) om nännu kui Karl Adder pallawa piipuga Rehhest wälja lännu om. -

Hindrik Kiwit üttel: Karl Adder om kütsnu tedda õlgi pääle pannema, temma om nännu, et Karl Adder õlgi Rehhe päält mahha wissanu olli ja om awwitanu need õlled pääle panda ja om jäänu wallalidsi õlgi 3 ehk 4 kubbo wäärt pääkasti mahha, ent rohkemb ei olle olnu maan. - Tõist koormat om Karl Adder essi pääle tennu. ka temma arwap et Karl Adder selle kahjo man süidi om. -

Kristo Herbst ütles: wanna müüri kandso man om tulno Karl Adder tõise õlle koormaga talle wastu, temma sõitnu aggana korwiga rehhe Riialla, länno ja pandno tuhk awwam piibo pallama, ja tõmmanu piipo, kui ollu ärra tõmmatu, länno temma Riialla ja nakkanu agganid pääle pandma, - kui üts wigla täis saanu korwi pantus, - om temma nännu et Rehhe lae pääl õllede seen jo tulli olnu ja suidsoga kattusse külge lännu. -

jäi poolele.-