Kohtu een antis rendi herra Beitler neide moisa poisite ülle Karli Adder, Jakkup Wassiln Karli Margusson kaibust, - et ne sinnatse poisi selle aja sissen, kui temma koddust ärra olnu, moisa pääl wäega uuslari wisi olnuwa, ja ilm sõnna kuulmata henda prouwat wastu piddanuwa; õddangul walgest hommuguni ööd läbbi maggata tahtwa, allati sögi perrast nürrisenuwa, üttelnuwa suppi weddela ollewat, - ent ommeti essi sögi sissest paksembat ärra sönuwa, sis leme jälle pennitelle andnuwa, leiba sawat nemma weidi (1. egga näddali antas 18 naela leiba) Kui mäele sööma tulnuwa, sis sögi man peeru lasknuwa nink lärmitsenuwa, nida et neide lärmi kik herbän täis olnu: Prowwa - Prowwa om neile andnu kannebid ellajate lõigu tarbis õddangul ehk ommungul tetta, sis ollew Karli Wassil tulnu ja üttelnu, et temma lats peäp ööd läbbi maggama, sest kannebist kopla kerutaminne ollew rasse töö, nink temma poig ei ollew sedda weel tennu, ja kui temma nüüd teep sawat temma terwus rikkutus, ka ollew Karli Adder ja Jakkup Wassil pu tarre tõise külle wöörusse usse ilm lubbate küssimata wallale tennu, kedda renti herra olli lasknu kinni panda, et naise ei sa säält läbbi moisa aija puid ärra pallota tuwwa. Karli Adder ja Jakkup Wassil ollewat käsknu Liis Wassilal minna karja lauda päält kottiga mõisa hainu warrastada, - kes ka kül lännu sedda teggema ent ommeti Prowwa ja läbbi kinni saij wõetus, - ja muud sääratsit teggusit, mes sukku innimiste wiis ei pea ollema. -

Sellepääle astewa kohtulikko kutsmisse pääle ette Karl Adder ja Jakob Wassil, nink nemma kostsiwa  küssimisse pääle et näil söögi lawwa man naarminne, lärmitsaminne ja peeru laskminne tullewat et neid hulganiste koon ollew ja muidoki jo noore innimisse. -

Sedda putarre tõise poole Wöörusse ust ollewat nemma kül karja naise kässu pääle wallale tennu, ja ka omma kassuperrast et neil sis kergemb olles kusele minna sest muidoki piddanuwa nemma läbbi akna, wälja kussema, kui läbbi köögi ei tahtnu wälja minna. - Leiwaga tullewa nemma sis kül läbbi, kui sup paksemb on, ent kui weddelikkumb sis peawat weel omma rahha eest mannu ostma.

Liis Wassilal, kumb om Jakob Wassila emma, ollewat nemma kül käsknuwa haino kotti sisse ajada, hendile päallotse kottis maggada, ent ei olle mõistnu arwata et Prowwaga mamsel mannu saanuwa. - nimmelt üttel Jakob Wassil, et temma ennegi üts ainus kõrd prowwa man suppi perrast kaibaman käinu, et kögi naine suppi külma, ja weddela lawwa pääle toonu, - ent prowwa ollew selle assemelle ommalt poolt tol kõrral piima ja heringet andnu, et neide kõt õige häste täis saanu.-

Sellepääle kutsuti Leno Alter, köginaine, ette ja üttel küssimisse pääle, et temma iks suppi nida keetnu, ni kui mamsel wälja andnu ja et temma poolt suppi man middagi albust ei olle üttelda. -

Karl Margussohn kutsuti ette, ja ta ütles, et temma ei olle üttegi nurrisemist ei ka wastupannemist mõisawallitsust wasta ette wõtnu, ei ka lärmitsenu söögi man.-

Mõisa rendiherra Beitler selletas ommalt poolt Tallorahwa Sädusseraamatust § 386 ärra, - nink laskis selle säädusse perra jakob Wassil ja Karl Adder mõisast wallale, - et wõiwa muialt parrembat ja tenistust wõtta, - et mõisa Rendi härra leib jo muidoki neil halw ollew ja tö wäega rasse. -

Koggokonna kohtu poolt es olle middagi pikkembat mõistmist selle man. -

Karl Adder ei tahha sellega rahhu olla, enge tahhap weel kaibust tõsta, keiserliko 4da Tarto kihhelkonna kohtu een, - nink saap selletarwis Protocoll wälja antus. -

Eenülleswõetu luggu sai õkwa neile kohtunkäijile selle ilmrahhuta ollemisse teedmisse tarwis säädusse perra ette loetus, - ja ärra selletedus. -