Täämbatsel Päiwal kaivas kohtu een Orriko perremees Johan Weski, - Pebo perremehhe Adam Uibo ülle, - et temma ollew kewwaja 1866 mõisa wärrajate een Adam Uibole 1 Tsetwert Rükki andnu, kedda temma tolsammal päiwal essi magzist olli wõtnu; - selle leppimissega, et Adam Uibo olles piddanu tol süggisel temmale 1 Tsetwert Rükki koddu wima, tunnistaja om Kaaro Jaan Oinaskof

Adam Uibo ütles et temma ollew magazi treppi pääl röa saanu ja temma olles piddanu ka süggisede Johan Weski wõlla eest maggaside röa tooma; - nink nüüd tõõstas temma ka et temma ollew magaside toonu. -

Tunnistaja Jaan Oinasgof ütles ka et mõisa murro pääl om Adam Uibo Johan Weski käest Rükki saanu; - ent masmisse leppingut ei olle temma kuulu, ja ei teedwat ka säält middagi kõnnelda. -

Koggokonna kohtu poolt sai ütteldus, - et peawa tolle ajatse kirja läbbi kaetus saama, kuis se Adam Uibo wälja ütlemisse luggu selle masmisse perrast om, - ja sis, - kui omma wahhel lepping ei sünni, selle kohtule teda anda. -

[juurdekirjutus lehe serwal:] Ent seni ajani ei olle ärra masnu.