Wanna Koijola koggokonna kohtun Wissen sel 24tal julil 1878

Man olliwa kohtuwannemb M Kurwitz

                    kohtumees Jaan Plak

                    kohtumees Karel Tobrelutz

Johann Haidak kaibap, et krono mõtsawaht Jaan Jännes tälle wallawallitsusse lubba päle palke tähhe perra 8 tükki piddi kätte andma ja tem(m)a ei olle en(n)ämb sanu, kui 5 tükki, mes J. Jännes tälle juhhatanu; ent nüüd selle perast peap 10 rbl. Jürri Andresonile masma; nõwwap sedda rahha Jaan Jännes käest kätte; ehk palke selle rahha ette sis om rahho; selleperrast, et tem(m)a essi es tulle kätte näitama; nida kui wallawallitsusse tähhe perra piddi sama; nink juh-

hatas wõrit palke. -

Jaan Jännes wastutas:"Minna juhhati palke tälle kätte; ent tem(m)a tõije Jürri Andresson palgest 5 tükki ja mitte neist, mes minna tälle wallawallitsusse tähhe perra juhhati; ei puttu mulle se rahha wälja masminne, kui tem(m)a tõise palke tõije." -

Moistetu: Et mõtsa waht Jaan Jännes wallawallitsusse tähhe perra, mitte essi ei olle palke kätte näitanu Johann Haidakule walla palgest; enge ennegi tedda kui wõrast innemist mitme perremeeste palke manno juhhatanu ja essi mitte liggi lännu.

Otsus: Massap Jaan Jännes 10 rbl. Johann Haidak hääs; nida kui Johann Haidak peap 10 rbl. Jürri Andreson hääs masma; selleperrast et Johann Haidak om wagga ja Jaan Jännes om süüdlane, löitus sanu, et essi palke kätte es näita. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                      Kohtowan(n)emb, M. Kurwitz  XXX

                      Kohtomees, Jaan Plak  XXX

                      Kohtomees, Karel Tobrelutz  XXX

                                     Kirjotaja, J. Käis

Protokoll Peter Wanna labbi sel 29tal julil Wierale sadetu. -