Jaan Parw tõst oma sullase Peter Tilwit pääle kaibust, et se om alan saiswide punktidega oma teenistuse wasta essinu, nink selle läbi temale kahjo tenno, kui nimelt:

1. om Peter Tilwit sel 26 Augustil joobnu pääga maja rahu riknu ja ka muu pere töö saisma pandnu.

2. om 6 wakkamaad maha külwetut rüka sisse ajamada jätnu, nink selle mant hulkma ära lännu, mes wiimate wihma läbi huka lännu, kelle üle ka Peter Jason tunnistada woip.

3. om Saluse wiina woori pääl henda wiina täüs joonu, tema hobese ajamisega ära riknu ja üte koorma rõiwa ära kaotanu.

4. Widrik Oinaga kohtun käumise perrast 4 päiwa ära wiitnu.

5. Peter Ihatsiga Losin kohut käwwen 2 päiwa ära wiitnu.

6. om üse sel 7/8 Januaril perremehe 2 hobbest usaijast mõtsa wälja lasknu, kon ne sama huka olles woinu saada, ent esi kõrtsi ilma lubata ära lännu.

7. om teda linno rabama käsknu, ent sullane om magama heidanu.

8. ütte wastse keüdse wärt 94 Cop. ära häetanu.

9. om ütte wakamaa hernet halwaste sisse ajamise man ära riknu, kelle üle ka Peter Jason tunnistada woip.

10. ja wiimate om weel muido kohtun käumise pääle 3 päiwa ja laadal käumise pääle 10 päiwa ära wiitnu.