Ado Sarw kaibas et temmal Walka linast tullen 43 Rubla rahha om ärrä warrastedu.
Kaibataw Meos Kender andse Ado Sarwe kaibusse päle kostust: "Minna, Samul Tedder, Ado Sarw, Isak Kuiw ja Karl Nutt, meije tullime nida tõine tõise taggan Kaagwerest kuni pik-järwe päle, sis sõitse Ado Sarw ja Samul Tedder wõitu pik-järwe pääl nida kawwa kui Kirbu kõrtsi manno ja sääl ootse Ado Sarw ja Samul Tedder meid tõisi järge. Samul Tedder sõitse een Kirbu kõrtsi mant Waltina pole ja Ado Sarw temma taggan. Kirbu kõrtsi mant ärra tullen olli minna een Isak Kuiwa, ja tõise muu sõitsewa minno ja Ado Sarwe wahhel. Siinpool Lillo tallo om Ado Sarw maggama jänu, nink kui meije Waltina saime, sis maggasi Ado Sarw weel omma ree pääl. Waltinast tulli Ado Sarw, Karl Wärnik ja Jakob Müür Hansiojale."
Kaibataw Samul Tedder kostis nida sammute kui Meos Kender om tunnistanu, ennegi tunnistas Samul Tedder, et nemma kik 5 meest omma egga üts 10 Kopka eest wiina ostnu Kaagwere kõrtsist ja omma se wiina ütte puddeliga ütten wõtnu ja Kaagwere pallon hobbese kinni piddanu nink sedda wiina joonu. Samul Tedder oma Lillo soo pääl tõistest mööda ja Tohwre tallo sõitnu nink om tõistel käsknu temma päle Waltina kõrtsin oota.
Kaibataw Karl Nutt kostis: "Minna olli täwweste jobunu. Meije ostseme kik ütte puddeli täwwe wiina kokko ja sedda jõime ka siin pool Tundri kõrtsi pallon ärra, nink Kaagwere kõrtsin sai jälle puddel wiina täuspantus ja selle eest masse egga mees 10 kop., ent et minnol essi rahha massa es olle, sis massis Samul Tedder minno eest 10 Kop.
Minna ei olle Ado Sarwe ennamb nännu kui Kaagweren."
Kaibataw Isak Kuiw kostis: "Kagwere kõrtsin sai üts puddeli täus wiina ostetus, ja piddi egga mees 10 Kop. masma üttekokko 50 Kop., nink Samul Tedder massis minno eest se 10 kopkat."
Tunnistaja Karl Wärnik andse tunnistust: "Kui minna ja Jakob Müür Walka linast koddo sõitseme, nida kawwa kui Waltina kõrtsi manno, sääl lätsi meije kõrtsi sisse, ja kui meije 1/2 korteri wiina ärrä ollime joonu sis nakkasime ärra koddo tullema, sis tulli Isak Kuiw meije manno ja pallel sedda jobunu Ado Sarwe meieka ütten wõtta; meije tõstseme Ado Sarwe minno ree päle ja nakkasime Hansioja pole /tullema/sõitma. Hansiojal piddasime kinni nink Ado Sarw tuli ka meijeka ütten kõrtsi. Kui meije koddo ärra nakkasime sõitma, sis kutsusime Ado Sarwe ka ütten, ent temma kostis: "Minnol om külm, minna tahha weel henda lämmistada; kül minna essigi saa siist koddo sõitma."
Tunnistaja Jakob Müür andse nida sammute tunnistust, kui Karl Wernik om tunnistanu.
Otsus.
Ado Sarw peab omma kaibust taggasi wõtma ehk parrembat /selgemat/ tunnistust murretsema.
Päkohtomees _ _ _ _ _
Kohtomees Karl Wernik XXX
" Juk Hansi XXX
" Peter Treumuth XXX
" Rein Mendik XXX
Ado Sarw kaibas et temmal Walka linast tullen 43 Rubla rahha om ärrä warrastedu.
Kaibataw Meos Kender andse Ado Sarwe kaibusse päle kostust: "Minna, Samul Tedder, Ado Sarw, Isak Kuiw ja Karl Nutt, meije tullime nida tõine tõise taggan Kaagwerest kuni pik-järwe päle, sis sõitse Ado Sarw ja Samul Tedder wõitu pik-järwe pääl nida kawwa kui Kirbu kõrtsi manno ja sääl ootse Ado Sarw ja Samul Tedder meid tõisi järge. Samul Tedder sõitse een Kirbu kõrtsi mant Waltina pole ja Ado Sarw temma taggan. Kirbu kõrtsi mant ärra tullen olli minna een Isak Kuiwa, ja tõise muu sõitsewa minno ja Ado Sarwe wahhel. Siinpool Lillo tallo om Ado Sarw maggama jänu, nink kui meije Waltina saime, sis maggasi Ado Sarw weel omma ree pääl. Waltinast tulli Ado Sarw, Karl Wärnik ja Jakob Müür Hansiojale."
Kaibataw Samul Tedder kostis nida sammute kui Meos Kender om tunnistanu, ennegi tunnistas Samul Tedder, et nemma kik 5 meest omma egga üts 10 Kopka eest wiina ostnu Kaagwere kõrtsist ja omma se wiina ütte puddeliga ütten wõtnu ja Kaagwere pallon hobbese kinni piddanu nink sedda wiina joonu. Samul Tedder oma Lillo soo pääl tõistest mööda ja Tohwre tallo sõitnu nink om tõistel käsknu temma päle Waltina kõrtsin oota.
Kaibataw Karl Nutt kostis: "Minna olli täwweste jobunu. Meije ostseme kik ütte puddeli täwwe wiina kokko ja sedda jõime ka siin pool Tundri kõrtsi pallon ärra, nink Kaagwere kõrtsin sai jälle puddel wiina täuspantus ja selle eest masse egga mees 10 kop., ent et minnol essi rahha massa es olle, sis massis Samul Tedder minno eest 10 Kop.
Minna ei olle Ado Sarwe ennamb nännu kui Kaagweren."
Kaibataw Isak Kuiw kostis: "Kagwere kõrtsin sai üts puddeli täus wiina ostetus, ja piddi egga mees 10 Kop. masma üttekokko 50 Kop., nink Samul Tedder massis minno eest se 10 kopkat."
Tunnistaja Karl Wärnik andse tunnistust: "Kui minna ja Jakob Müür Walka linast koddo sõitseme, nida kawwa kui Waltina kõrtsi manno, sääl lätsi meije kõrtsi sisse, ja kui meije 1/2 korteri wiina ärrä ollime joonu sis nakkasime ärra koddo tullema, sis tulli Isak Kuiw meije manno ja pallel sedda jobunu Ado Sarwe meieka ütten wõtta; meije tõstseme Ado Sarwe minno ree päle ja nakkasime Hansioja pole /tullema/sõitma. Hansiojal piddasime kinni nink Ado Sarw tuli ka meijeka ütten kõrtsi. Kui meije koddo ärra nakkasime sõitma, sis kutsusime Ado Sarwe ka ütten, ent temma kostis: "Minnol om külm, minna tahha weel henda lämmistada; kül minna essigi saa siist koddo sõitma."
Tunnistaja Jakob Müür andse nida sammute tunnistust, kui Karl Wernik om tunnistanu.
Otsus.
Ado Sarw peab omma kaibust taggasi wõtma ehk parrembat /selgemat/ tunnistust murretsema.
Päkohtomees _ _ _ _ _
Kohtomees Karl Wernik XXX
" Juk Hansi XXX
" Peter Treumuth XXX
" Rein Mendik XXX
