Selsammal eelnimmitedu kohtupäiwal aste kohtu ette Pühhajärwe mees Rein Margussohn, nink selletas kohtu een ärra et temma ollew omma wäimehhe meije walla seeni ajani Kauro poolperremehhele Karl Oendorfile andnu ommalt poolt, nink nimmelt omma tütrele ossa jaos 2 lehma, 2 lammast ja 1 zigga, pääle selle weel 4 wakka kardoflid, keswi seemes 1 wak, jahhus jahwatadu ka suggu; - Michel Margussohn ollew ka ommalt poolt andnu weel 1 wak keswi 5 küllimito kaero 1/2 wakka tatriko. - Kui nüüd Karl Oendorf omma wargusse perrast Kauro poolmajast wälja aetas, sis jäwat temma jo ommast ilma. -

Kauro Hindrik Weski lubbas sedda maggasi wilja ja rahha wõlgo Karl Oendorfi ja temma essa jaggo, mes sääl poole maja pääl wõlgo om 95 Rbl 26 kop ärra massa, kui maja kiik temma kätte saap;

Sis arwas koggokonna kohhus, et temma wäimees Karl Oendorf saap sis omma maja warrandust kätte; - sis woip temma (Rein Margussohn) omma jäggo mes ta om sinna kullutanu, - säält Karl Oendorfi (:temma wäimehhe:) maja kraamist ja ellajist perrida. -

Pääle se lubbas weel Hindrik Weski, - kui Michel Oendorf (Kaarle essa) tahhap Kaurule temma mannu popsis wai sullases jäije, - sis Hindrik Weski temmale lubbas egga aasta sittamaad anda nida paljo kui ta sõnnikut jõud koggoda, - nink lubbas temmaga illusaste ellada; - ent kui Michel Oendorf ei tahha Kaurule jäija, sis woip ta minna kohhes ta tahhap, - ent ärra ajamist Hindrik Weski poolt ei olle. -

Wiimselt lubbas ommeti Hindrik Weski Rein Margussonile 51 Rbl, mes ta süggise Karl Oendorfi Maggasi wilja wõlla eest Ilmjerwe maggasi ladiku olli masnu, - ka ärra massa. -

nink nida kaep Hindrik Weski kottun, et säält middagi ennamb ärra ei sa häwitedus. -