Wanna Koiola koggokonna kohtun Wissen, sel 21sel augustil 1878.

Man olliwa kohtowan(n)emb, M. Kurwitz

                    kohtomees, Jaan Plak

                    kohtomees, Michel Plakso

Liis Sing kaibap om(m)a eest saisja Jaan Lutzar man ollekin Jakob Pallo päle, henda pesmisse perrast; ja nõwwap et terwis om kige kallimbade; tem(m)a käest 25 rbl. sis om rahho.

Jakob Pallo wastutas:"Minna ei olle tedda pesnu ja haina kotti wõtti kül nido päält maast ja kahjo olli mul kewwajast sani tettu." -

Jaan Aggan and tun(n)istust:"Jakob Pallo pes Liis Sing´a hirmsaste, mes minna selgest om(m)a silmaga näije, rowi witsa ja jallaga." -

Kohtomees Karel Tobrelutz and tun(n)istust, kes sedda kurja tööd ülle kaenu, et sääl middagi kahjo ei olle olnu ja Liis Singal olli tokõrd koggoni lugga kottin kui minna kutsmisse pääl ülle kaije ja näütamisse pera nido pääl sugguge es woi konnagi lugga kaswa." -

Moistetu: Et tun(n)istusse läbbi awwalik, et Jakob Pallo Liis Sing´a hirmsast pesnu ja kohtomehhe tun(n)istus, et Liis Singal lugga kottin om olnu, mes päle pessa olla sanu ja Jakob Pallo nido pääl sedda sugguge ei kassu; enge nido weren sure wee al. -

Otsus: Massap Jakob Pallo 10 rbl. Liis Sing´ale hallo rahhas ja istup 3 ööd päiwa selle koggokonna kohto türmin 14 päiwa sissen kinni. 

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                       Kohtowan(n)emb, M. Kurwitz 

                       Kohtomees, Jaan Plak

                       Kohtomees, M. Plakso

                              Kirjotaja, J. Käis

Protokoll lubbatu ja sise sadetu. -