Protokolli N 26 manno

Kutsmise pääle olliwa ette tulnu Peter Saar ja Liso Tümner nink wiimane and wastust, et tema om kül henda Peter Saare manno wanna perremehe man ollen nink lubaga aastas teenistuste lepnu ja selle pääle ka 1 rubl. käerahha wõtnu.

Aasta palk olnu lepitu: 17 rubl. raha, 1 puud linno ja 2 N willa.

Selle pääle es ütle kohtun käuja ennamb midagi ütlemist ollewat, sis

Mõisteti

et Katri Tümner henda oma wana perremehe teedmise nink lubaga Peter Saare mano aastas teenistuste om lepnu ja selle pääle 1 rubl. käeraha wõtnu, sis peap tema se lepitu aasta Saare man ära teenima, ehk sellele se lepitu aasta palk 17 rubl. raha 1 puud linno wärt 2.50 Cop ja 2 N willa ehk 1 rubl. raha summa 20 rubl. 50 Cop. Saarele ära masma.

Se kohtuotsus saije kohtun käujile kuulutetu ja §§ 773, 774 perra ära selletetu ja § 881 perra opus leht wälja antus.

kohtumees Andri Lõhmus [allkiri]

      "             Andri Fluss [allkiri]

abi   "          Jaan Pusep [allkiri]

Kirjotj.: J.Kirrop