Wanna Koiola koggokon(n)a kohtun Wissen, sel 21sel augustil 1878.

Man olliwa kohtowan(n)emb, M. Kurwitz

                    kohtomees, Jaak Plak

                    kohtomees, M. Plakso

Ado Ein Tim(m)o wallast kaibap, et Jakob Koskar tälle aija maast ütte wilja alla wakka maast 5 rbl. eest wälja lubbanu pruuki ja tem(m)a selle päle 2 rbl. käe rahha kätte andnu; tekku willi mes tahhap; ent nüüd maad ei olle andnu ja nõwwap kiik se aija maa saak kätte sis om rahho. -

Jakob Koskur wastutas:"Minna tälle  kül lubbasi ja tem(m)a and 2 rbl. käe rahha kätte; ja lubbas aija puid aija ette teggemisses tuwwa ja säetul ajal maa külwa; ent es tulle külwma ja aija puid ka es too; selleperrast teije essi ja anni ka muile ja tem(m)a külwetut nisso ei anna ka tälle, mes ülle leppingo ta om tennu."

Moistetu: Jakob Kooskar massap 2 mõõto nisso ja 4 rbl. rahha Ado Ein hääs 14 päiwa sissen wälja ja massap 1 rbl. trahwi waeste ladikehe selle kogg. kohto hääs, et ilma walla wallitsusse lubbata om(m)a rendi maad om välja müünu. -

Kohtokäüjile otsus ette loetu suremba kohtokäümisse sädus § 772, 773 n. 774 perra kulutedu.

                     Kohtowan(n)emb, M. Kurwitz  XXX

                         Kohtomees, Jaan Plak  XXX

                         Kohtomees, M. Plakso  XXX

                                   Kirjotaja, J. Käis