Kohtu ette tulli kaibussega moisa Rendi härra Beitler, et Albrecht Asserus sel 24dal Nowembril kõrdsi man ollewat kohtumehile üttelnu - ni kui kõrdsaimees Antip Maxinow temmale ülles andnu ollewat; - et Neljapäiwal saap Tartost kommision wälja tullema moisa maid jaotama, - sis saawat 1 jaggo wenne Preestrile, - ja sedda üllejäänud  muile rahwale, kea ennegi tahtwat. - Se jaotaminne ollewat peddanu Urmi kandi maist pääle nakkama. -

Albrecht Asserus kutsuti ette, - nink ta salgas koggoniste ärra et temma sest asjast middagi ei teadwat. -

Et kõrdsimees Antip Maxinow täämba kohtu ette tulla wõimalik es olle, et ta purjun om, - saap se assi tõinekõrd ette wõetus. -