Moisa härra Beitler kaibas ka täämba kohtu een et Jakob Petrof ka Moisale 3 moisale 3 moisa mõtsast warrastetu pu eest /:protocoll № 32, 1869.:/ 297 kop. moisale wõlgu om. - Pääle se weel moisa käest lainus wõtun 1 wak Rükkit 4 Rbl ja ½ wakka keswi 150 kop, ni et ülle kiige summa 9 Rbl 52 kop Jakob Pertof Moisale wõlgo om.
Sellepääle andse Jakob Petrof ülles, et temma ne üllewel nimmitedu 3 puud om omma linna leotamisse tarwis raggonu nink noid puid temma linna leo weerest ollewad Urmi mehhed ärra weddanu. -
Sis jättab moisa neide puide mant 197 kop mahha, nink ta peap 1 Rbl ilma lubbata raggomisse eest masma, sis tullep temmal 650 kop moisale wõlgo massa, - nink moisteti koggokonna kohto poolt, et Jakob Petrof peap to wõlg täämbast kattessa päiwa sissen ärra masma. (tullep mannu küllwada jäetu röatükki eest 1¾ wak Rükki seemes a'3 R - 5 Rbl.25 k. Summa wõlg 11 R 75 kop.
Wiimselt ütles Jakob Petrof koggokonna kohtu een Rendi härrale, et kuis ollew härra wõinu temma käest neid protokollin kirjotedu puid nõuda, - nink weel - kuis ollewat härra tohtnu kronu mõtsast ka ilma lubbata puid ja hakko weddada. - Sellepääle küssiti, - kas om temmale keaki nõu andnu, nidawiisi kohtu een härrale üttelda? Agga temma ütles sedda henda poolt üttelnu ollew, ilma et keaki tedda ei olle käsknu. -
Perrast es woi temma ommeti küssimisse pääle üttegi wastust anda, kost ja konnas moisa härra ilma lubbata krono mõtsast olles puid weddada lasknu.
Härra ei tahha selle trotsimissega suggoki rahhu olla, - nink tahhap krono mõtsa härra man ollemissen koggokonna kohtu poolt tedda trahwida laske. -
Moisa härra Beitler kaibas ka täämba kohtu een et Jakob Petrof ka Moisale 3 moisale 3 moisa mõtsast warrastetu pu eest /:protocoll № 32, 1869.:/ 297 kop. moisale wõlgu om. - Pääle se weel moisa käest lainus wõtun 1 wak Rükkit 4 Rbl ja ½ wakka keswi 150 kop, ni et ülle kiige summa 9 Rbl 52 kop Jakob Pertof Moisale wõlgo om.
Sellepääle andse Jakob Petrof ülles, et temma ne üllewel nimmitedu 3 puud om omma linna leotamisse tarwis raggonu nink noid puid temma linna leo weerest ollewad Urmi mehhed ärra weddanu. -
Sis jättab moisa neide puide mant 197 kop mahha, nink ta peap 1 Rbl ilma lubbata raggomisse eest masma, sis tullep temmal 650 kop moisale wõlgo massa, - nink moisteti koggokonna kohto poolt, et Jakob Petrof peap to wõlg täämbast kattessa päiwa sissen ärra masma. (tullep mannu küllwada jäetu röatükki eest 1¾ wak Rükki seemes a'3 R - 5 Rbl.25 k. Summa wõlg 11 R 75 kop.
Wiimselt ütles Jakob Petrof koggokonna kohtu een Rendi härrale, et kuis ollew härra wõinu temma käest neid protokollin kirjotedu puid nõuda, - nink weel - kuis ollewat härra tohtnu kronu mõtsast ka ilma lubbata puid ja hakko weddada. - Sellepääle küssiti, - kas om temmale keaki nõu andnu, nidawiisi kohtu een härrale üttelda? Agga temma ütles sedda henda poolt üttelnu ollew, ilma et keaki tedda ei olle käsknu. -
Perrast es woi temma ommeti küssimisse pääle üttegi wastust anda, kost ja konnas moisa härra ilma lubbata krono mõtsast olles puid weddada lasknu.
Härra ei tahha selle trotsimissega suggoki rahhu olla, - nink tahhap krono mõtsa härra man ollemissen koggokonna kohtu poolt tedda trahwida laske. -
